Metin iroda, yuksak mas’uliyat va fidoyilik — xatlovda!
2026-01-27 11:25:00 / Yangiliklar
Qishning qorli-qirovli, sovuq kunlariga qaramasdan, Respublika bo‘ylab xatlov ishlari bir zum ham to‘xtagani yo‘q.
Xususan, xatlov ishlari belgilangan reja asosida, yuqori mas’uliyat va tashabbus bilan izchil amalga oshirilmoqda. Qorli va sovuq ob-havo sharoitlariga qaramasdan, xodimlar uyma-uy yurib, aholi bilan ochiq va samimiy muloqot olib bormoqda, yer va ko‘chmas mulk obyektlari bo‘yicha aniq o‘lchovlar hamda belgilangan me’yorlar asosida xatlov ishlarini sifatli va puxta tarzda amalga oshirmoqda.
Bu jarayonda nafaqat xizmat vazifasi, balki xalq manfaatlariga sadoqat, davlat ishiga vijdonan yondashuv va kuchli iroda yaqqol namoyon bo‘lmoqda.
Eng muhimi, bunday fidokorona mehnat mamlakatimiz miqyosida olib borilayotgan keng ko‘lamli xatlov tadbirlarining natijasida 27-yanvar holatiga jami 1 093 127 ta ko'chmas mulk obyektlari xatlovdan o'tkazildi. Mazkur raqamlar har qanday ob-havo sharoitida ham belgilangan vazifalar to‘liq va sifatli bajarilayotganini yana bir bor tasdiqlaydi.