O‘zbekiston Kadastr agentligi raqamli va shaffoflik principlari asosida kadastr tizimini modernizatsiya qilmoqda. Sohada 16 axborot tizimi ishlamoqda, jumladan UZKAD, E-yer nazorat va boshqalar orqali xizmatlar ochiqlikka ega. 2026-yilga qadar yagona “Manzillar tizimi” joriy etiladi. Davr-keksida 4,4 million elektron murojaatlar ochildi. Shuningdek, agentlik korrupsiyaga yo‘l qo‘yish xiyonat sifatida qaramoqda, shu sababli “komplayens nazorat” tizimi ham ixtiyoriy taraqqoq qilyapti.

Assalomu alaykum, qadrli yurtdoshlar!

Bugungi kunda har bir sohada shaffoflik va ochiqlikni ta’minlash davlat siyosatining ustuvor yo‘nalishiga aylandi. Kadastr sohasini rivojlantirishda tizimni to‘liq raqamlashtirish katta ahamiyatga ega. Bu shunchaki texnologik yangilanish emas, balki davlat boshqaruvini modernizatsiya qilish, fuqarolarimizga tezkor, qulay va eng muhimi, halol xizmat ko‘rsatish yo‘lidagi ortga qaytmas jarayondir. Bu islohotlar korrupsiyaga qarshi mustahkam immunitetni shakllantirishning eng samarali vositasi ekanligini vaqtning o‘zi isbotlamoqda.

Hozirgi kunda sohada 16 ta ixtisoslashgan axborot tizimi to‘liq quvvat bilan ishlamoqda. UZKAD, E-yer nazorat, E’TIROF, Ommaviy geoportal va “Xavfni tahlil etish” kabi platformalar orqali xizmatlar inson omilisiz, shaffof shaklda ko‘rsatilmoqda.

Joriy yilda biz yana bir katta qadam tashladik: “Ko‘chmas mulk bozori monitoringi” hamda “Ko‘chmas mulkni ommaviy baholash” tizimlari ishga tushirildi. Oldimizda esa yanada ulkan maqsadlar turibdi – 2026-yilda Manzillar reformasi doirasida yagona “Manzillar tizimi” joriy etiladi. Bu esa ko‘chmas mulk bilan bog‘liq barcha jarayonlarni yagona standart asosida, aniq va tushunarli tartibda yuritish imkonini beradi.

Raqamlar – ishonch ko‘zgusi. Bugungi kunda kadastr sohasida 20 turdagi davlat xizmatlari ko‘rsatilmoqda. 2024-yilda 3,3 millionta, 2025-yilning dekabr oyiga qadar 2,3 millionta buyurtma qabul qilingani, umumiy hisobda 4 million 400 mingdan ortiq elektron murojaatlar kelib tushgani xalqimizning raqamli xizmatlarga bo‘lgan ishonchi ortib borayotganidan dalolat beradi.

Biz “Raqamli hukumat” platformasi orqali davlat idoralari bilan integratsiyani yangi bosqichga olib chiqdik. Birgina 2024-yilda 308 millionta ma’lumot almashinuvi amalga oshirilgani, 2025-yil davomida 491 millionta ma’lumot almashinuvi amalga oshirilgan, byurokratik to‘siqlarning bartaraf etilayotganini amalda ko‘rsatib turibdi. Kelgusida sun’iy intellekt va aerokosmik monitoring yordamida yer qonunbuzilishlarini barvaqt aniqlash va jarayonlarni to‘liq avtomatlashtirishni rejalashtirganmiz.

Biroq, texnologik yuksalish ma’naviy poklik bilan hamohang bo‘lmasa, kutilgan natijani bermaydi. Shu bois, korrupsiyaga qarshi kurashish Kadastr agentligi faoliyati kun tartibidagi doimiy masala hisoblanasi.

Davlatimiz rahbari Shavkat Mirziyoyev joriy yilning 26-dekabr kuni Oliy Majlis va O‘zbekiston xalqiga yo‘llagan Murojaatnomasida bu masalaga alohida to‘xtalib - “Korrupsiya – davlat taraqqiyotiga to‘siq bo‘ladigan, adolat va qonun ustuvorligini izdan chiqaradigan, jamiyatda ishonch muhitini zaiflashtiradigan eng jiddiy tahdid. Korrupsiyaga yo‘l qo‘yish esa islohotlarimizga xiyonatdir! Bu illatga qarshi kurashish bo‘yicha 2026-yilda “favqulodda holat” e’lon qilamiz.” deya qat’iy talabni qo‘ydilar.

Prezidentimiz ilgari surgan jamiyatni “halollik vaksinasi bilan emlash” g‘oyasi biz uchun dasturi amaldir. Agentlik tizimida korrupsiya xavflarini “komplayens nazorat” orqali baholash, xodimlar malakasini oshirish va ichki nazoratni kuchaytirish bo‘yicha ishlar yangi bosqichda davom ettiriladi. Bizning vazifamiz – nafaqat ko‘chmas mulk huquqlarini ro‘yxatdan o‘tkazish yoki yerlarni muhofaza qilish, balki har bir jarayonda adolatni ta’minlashdir.

Ushbu yo‘nalishda korrupsiyaviy holatlarga nisbatan mutlaqo murosasiz munosabatda bo‘lish – tizimda faoliyat yuritayotgan har bir rahbar va xodimning majburiyati hamda burchidir.

Aziz hamyurtlar!

Biz xalqimizga sidqidildan xizmat qilish, sohada ochiqlik va qonun ustuvorligini ta’minlashni o‘zimizga oliy maqsad deb bilamiz. Agar faoliyatimizda korrupsiya alomatlari yoki noqonuniy xatti-harakatlarga duch kelsangiz, Agentlikning ishonch telefonlari va aloqa kanallari orqali xabar berishingizni so‘raymiz. Sizning faolligingiz – bizning islohotlarimiz samaradorligi garovidir.

Mirsaid Mirmaksudov

Kadastr agentligi direktori o‘rinbosari