Kadastr agentligi va Rosreestr mutaxassislarining kadastr tizimiga sun’iy idrok joriy qilish amaliyotiga bag‘ishlangan o‘zaro tajriba almashish uchrashuvi bo‘lib o‘tdi.
2025-12-07 11:40:00 / Yangiliklar
Idoralararo hamkorlik doirasida joriy yilning 5-dekabr sanasida 🇷🇺Rossiya Federatsiyasi Davlat ro‘yxatiga olish, kadastr va kartografiya federal xizmati – Rosreestr tomonidan joriy etilayotgan yangi istiqbolli raqamli xizmatlarni, jumladan, Aqlli kadastr xizmati (UMKA – Умный Кадастр) va YEVA raqamli yordamchisi faoliyatini o‘rganish bo‘yicha Rosreestr hamda Kadastr agentligi vakillari o‘rtasida vebinar tashkil etildi.
Vebinar kun tartibidan:
Kadastr, yerni masofadan turib zondlash, geodeziya va kartografiya sohalarida zamonaviy dasturiy ta’minot yechimlarini qo‘llash;
Rossiya Federatsiyasida huquqlarni davlat ro‘yxatidan o‘tkazish va fazoviy ma’lumotlar yo‘nalishida joriy qilingan sun’iy intellektga asoslangan modul imkoniyatlari;
Kelajakda kadastr hisobini yuritishda ko‘zda tutilayotgan rejalar;
Foydalanuvchi idoralarni kengaytirishdan avval o‘rganib chiqish va hisobga lozim bo‘lgan risklar;
Servisning texnologik sikli va takomillashtirish jabhalari o‘rin oldi.
Uchrashuv yakuniga ko‘ra Kadastr agentligi va Rosreestr federal xizmati mutaxassislari tomonidan navbatdagi uchrashuv mavzularini belgilash va malaka oshirishga kelishilgan yo‘nalishlar bo‘yicha hamkorlikni davom ettirishga kelishib olindi.