Koreya Respublikasida Markaziy Osiyo davlatlari uchun amaliy o‘quv-seminar o‘tkazildi
2025-11-21 12:15:00 / Yangiliklar
Mazkur seminar 2024–2026-yillarga mo‘ljallangan “Markaziy Osiyo mamlakatlarida davlat ro‘yxatidan o‘tkazish tizimida elektron boshqaruv salohiyatini mustahkamlash” loyihasi doirasida tashkil etildi.
Tadbirda Koreya Respublikasi hamda Markaziy Osiyo davlatlari delegatsiyalari quyidagi yo‘nalishlarda o‘zaro tajriba almashishdi:
- ko‘chmas mulkni davlat ro‘yxatidan o‘tkazish jarayonlari;
- sun’iy intellekt texnologiyalarini qo‘llash;
- arxiv hujjatlaridan foydalanish amaliyoti.
Seminar davomida bir qator muassasalarga tashrif buyurildi:
- Sud binosi — ko‘chmas mulkni ro‘yxatdan o‘tkazish tartiblari bilan tanishildi;
- IT-markaz — raqamlashtirish bo‘yicha ilg‘or tajribalar o‘rganildi;
- Busan davlat arxivi — yer uchastkalarini ajratish, ro‘yxatdan o‘tkazish va hujjatlarni saqlash tizimi bo‘yicha tajriba almashildi.
O‘zbekiston tomonidan ko‘chmas mulkni davlat ro‘yxatidan o‘tkazish sohasida amalga oshirilgan islohotlar yuzasidan qisqacha taqdimot ham qilindi.
Seminar yakunida ishtirokchilarga sertifikatlar topshirildi.
Ma’lumot uchun: Seminarda Ozarbayjon, Tojikiston, Qozog‘iston, Turkmaniston va Qirg‘iziston davlatlaridan kelgan delegatsiyalar ham ishtirok etdi.