Qonunchilikdagi o‘zgarishlar|Aholi va yer resurslarini ro‘yxatga olish bosqichi boshlandi
2025-11-10 11:20:00 / Yangiliklar
O‘zbekiston Respublikasi Prezidenti tomonidan 2025-yil 19-sentabr kuni “Oʻzbekiston Respublikasida aholi va qishloq xoʻjaligini roʻyxatga olish tadbirini oʻtkazish toʻgʻrisida”gi PF–173-sonli Farmon imzolandi.
Ushbu farmon orqali:
▪️ Mamlakat hududlaridagi yer maydonlari, ekin turlari, ishlab chiqarish obyektlari va kadastr ma’lumotlari to‘liq raqamlashtiriladi;
▪️ Qishloq xo‘jaligi yerlarining holati, ulardan foydalanish darajasi, suv ta’minoti va hosildorlik haqida aniq ma’lumotlar yig‘iladi;
▪️ Mahalla tizimi, kadastr va statistika organlari o‘zaro integratsiyada ishlaydi — har bir hudud bo‘yicha yagona ma’lumotlar bazasi yaratiladi;
▪️ Aholining joylashuvi, bandlik holati va yashash sharoitlari raqamli formatda qayd etiladi.
Ushbu jarayon 2026-yil 15-yanvar holatiga ko‘ra o‘tkaziladi va natijalar yer va mulk huquqlarini tartibga solish, resurslardan oqilona foydalanish, hamda hududiy rivojlanish rejalarini aniq belgilash uchun asos bo‘ladi.
Kadastr agentligi, Statistika qo‘mitasi va mahalliy hokimliklar birgalikda ro‘yxatga olish ishlarini tashkil etadi.
Farmon mamlakat miqyosida yer va kadastr ma’lumotlarining aniqligini oshirish, raqamli xaritalar yaratish hamda fuqarolarning huquqiy himoyasini mustahkamlashga xizmat qiladi.