Viloyat hokimligi korrupsiyaga qarshi ichki nazorat sho’’basi tomonidan 2024 yil 12 oyi davomida joriy yilga mo’ljallangan yo’l xaritasida rejalashtirilgan hokimiyat tizimida korrupsiyaga qarshi kurashish bo’yicha faoliyatini takomillashtirish, korrupsiyaga oid huquqbuzarliklarni profilaktika qilish va ularga qarshi kurashish, korrupsiyaga qarshi kurashish tizimini samarali ishlashini ta’minlash, nazorat qilish va korrupsiyaga qarshi kurashish bo’yicha faoliyatni amalga oshiruvchi hamda unda ishtirok etuvchi boshqa davlat organlari va tashkilotlari bilan hamkorlikni olib borish sohalarida  o’ziga yuklatilgan vazifa va funksiyalari doirasida chora-tadbirlar amalga oshirildi.

O’zbekiston Respublikasi Prezidentining 2021 yil 6 iyuldagi PF-6257-son Farmoniga 1-Ilovaga muvofiq tasdiqlangan korrupsiyaga qarshi kurashish bo’yicha 2021-2022 yillarga mo’ljallangan davlat dasturining 26-bandi bilan viloyat hokimligiga yuklatilgan davlat organlari va tashkilotlarida korrupsiyaga qarshi ichki nazorat tuzilmalari samarali faoliyatini tashkil etish to’g’risidagi chora-tadbiri ijrosi viloyat hokimining 2021 yil 27 sentyabr’ kungi 152-3-0-Q/21-son qarori bilan viloyat hokimligi Korrupsiyaga qarshi ichki nazorat sho’’basi tashkil etilgan.

             II. Siyosat va tartib-taomillar

Viloyat, shahar va tumanlar hokimliklari hamda viloyat hokimligiga bo’ysunuvchi muassasalarning korrupsiyaga qarshi kurashish tizimi samaradorligini yanada takomillashtirish maqsadida, O’zbekiston Respublikasi Prezidentining 2022 yil 12 yanvardagi “Korrupsiyaga qarshi kurashish ishlarining samaradorligini reyting baholash tizimini joriy etish chora- tadbirlari to’g’risida”gi PQ-81-sonli qarori talablari ijrosini ta’minlash maqsadida, hamda O’zbekiston Respublikasi Korrupsiyaga qarshi kurashish agentligining 2021 yil 10 sentyabrdagi 03-07/6280-sonli xatiga va 18 oktyabrdagi  01-07/6859-sonli tavsiyalariga  muvofiq quyidagi:

• viloyat hokimligi tizimida korrupsiyaga qarshi kurashish bo’yicha siyosati;
• viloyat hokimligi tizimida korrupsiyaviy xavf-xatarlarni aniqlash va baholash uslubiyoti;
• viloyat hokimligi tizimida manfaatlar to’qnashuvini boshqarish bo’yicha nizom;
• viloyat, shahar va tumanlar hokimliklariga aloqa kanallari orqali korrupsiyaviy xatti-harakatlar to’g’risida kelib tushgan xabarlarni qabul qilish va ko’rib chiqish reglamenti;
• viloyat hokimligi tizimida  xodimlarni korrupsiyaga qarshi kurashish sohasida o’qitilishini tashkil qilish bo’yicha yo’riqnoma;
• viloyat hokimligi tizimida kontragentlarni tekshirishga oid yo’riqnoma;
• viloyat hokimligi tizimida ishga qabul qilinayotgan nomzodlarni tekshirish bo’yicha yo’riqnoma;
• viloyat hokimligida korrupsiyaga qarshi kurashish tizimi holati to’g’risidagi hisobotni shakllantirish va taqdim etish bo’yicha nizom;
• viloyat hokimligi tizimida xodimlarning korrupsiyaviy xatti-harakatlari va odob-ahloq qoidalarini buzish holatlari ustidan xizmat tekshiruvlari o’tkazish reglamenti;
• viloyat hokimligi odob-ahloq namunaviy qoidalari;
• viloyat hokimligi korrupsiyaga qarshi ichki nazorat sho’’basining faoliyati to’g’risidagi namunaviy nizom;
• davlat xaridlarini o’tkazish to’g’risidagi nizomlardan

 iborat korrupsiyaga qarshi kurashish bo’yicha asosiy ichki idoraviy hujjat namunalari ishlab chiqilib viloyat hokimining 2022 yil 16 iyundagi  “Viloyatda korrupsiyaga qarshi kurashish tizimi samaradorligini yanada takomillashtirish to’g’risida”gi 306-3-0-Q/22-sonli qarori bilan tasdiqlanib, viloyat, shahar va tumanlar hokimliklari tizimida korrupsiyaga qarshi kurashish bo’yicha mexanizm va huquqiy asoslar yaratilib amaliyotga tatbiq etilishi ta’minlanib, rasmiy veb-saytda  joylashtirilgan.

O’zbekiston Respublikasi Prezidentining 2024 yil 5 iyundagi “O’zbekiston Respublikasining “Manfaatlar to’qnashuvi to’g’risida”gi Qonuni ijrosini ta’minlash maqsadida viloyat hokimining 2024 yil 14 iyundagi “O’zbekiston Respublikasi Prezidentining 2024 yil 5 iyundagi PQ-210-sonli qarori ijrosi  haqida”gi 379-3-0-Q/24-sonli qarori tasdiqlanib, qonunni ijrosini tashkil etish bo’yicha viloyat hokimligi komissiyasi tarkibi va viloyatda 2024 yilda amalga oshiriladigan ishlar yuzasidan “Yo’l xaritasi” tasdiqlandi.      

2024 yil 12 oyi davomida viloyat, shahar-tuman hokimliklari  faoliyatiga oid qabul qilingan normativ-huquqiy hujjatlar va ichki idoraviy hujjatlar  korrupsiyaviy normalarni aniqlash va bartaraf qilish maqsadida o’rganib chiqildi.

O’rganish davomida  viloyat, shahar-tumanlar hokimliklarida qabul qilingan faoliyatiga oid normativ-huquqiy hujjatlar va ichki idoraviy xujjatlarda korrupsiyaviy normalar aniqlanmadi.

                                III. Xavf-xatarlarni baholash

O’zbekiston Respublikasi Prezidentining 2022 yil 11 maydagi “Davlat boshqaruvi sohasida korrupsiyaviy xavf-xatarlarni bartaraf etish mexanizmlarini takomillashtirish va ushbu sohada  jamoatchilik ishtirokini kengaytirish chora-tadbirlari to’g’risida”gi PQ-240-sonli qarori ijrosini ta’minlash maqsadida, viloyat hokimining  2022 yil 30 noyabr’ kunidagi “Viloyatda Korrupsiyaga qarshi kurashish tizimi samaradorligini yanada takomillashtirish to’g’risida”gi 611-3-Q/22-sonli qarori bilan tasdiqlangan viloyat, shahar va tumanlar hokimliklarida korrupsiyaviy xavf-xatarlarni baholash uslubiyotiga muvofiq hokimiyat tizimida korrupsiyaviy xavf-xatarlarni aniqlash va baholash maqsadida, hokimlik tizimida  korrupsiyaviy xavf-xatariga eng ko’p duch keladigan vazifa va funksiyalar aniqlanib, korrupsiyaviy xavf-xatar yuqori bo’lgan lavozimlar ro’yxati shakllantirilib, korrupsiyaviy xavf-xatarlarni bartaraf etish bo’yicha  korrupsiyaviy xavf-xatarlar xaritasi, korrupsiyaga qarshi kurashish bo’yicha dastur, korrupsiyaviy xavf-xatar yuqori bo’lgan lavozimlar ro’yhati va chora-tadbirlar  rejasi ishlab chiqildi.

Korrupsiyaviy xavf-xatarlarni bartaraf etish maqsadida normativ-huquqiy hujjatlar hamda ichki idoraviy hujjatlar ishlab chiqildi, inson omilini qisqartirish va davlat  tashkiloti faoliyatini raqamlashtirilib, jamoatchilik nazorati yo’lga qo’yildi, rasmiy veb-sayt va boshqa ommaviy axborot vositalarida amalga oshirilayotgan davlat xaridlari to’g’risidagi ma’lumotlarni joylashtirish va tarqatish joriy etildi, korrupsiyaga qarshi kurashishga qaratilgan ishlar amalga oshirilib, profilaktik suhbatlar o’tkazildi, ishonch telefonlari va aloqa kanallarida targ’ibot ishlari amalga oshirilib, xodimlarning korrupsiyaga qarshi kurashish va manfaatlar to’qnashuvini boshqarish bo’yicha ichki hujjatlarga to’liq rioya qilishlari nazoratga olindi.

Viloyat hokimligining sohaga mas’ul xodimlariga xizmat faoliyatida O’zbekiston Respublikasi Prezidentining 2022 yil 12 yanvardagi  “Korrupsiyaga qarshi kurashish ishlarining samaradorligini reyting baholash tizimini joriy etish chora-tadbirlari to’g’risida”gi PQ-81-son va 2022 yil 11 maydagi “Davlat boshqaruvi sohasida korrupsiyaviy xavf-xatarlarni bartaraf etish mexanizmlarini takomillashtirish va ushbu sohada jamoatchilik ishtirokini kengaytirish chora-tadbirlari to’g’risida”gi PQ-240-son qarorlari talablariga qat’iy rioya qilinishi belgilandi.

O’zbekiston Respublikasi Prezidentining 2022 yil 11 maydagi  PQ-240-son qaroriga asosan viloyat hokimligi faoliyatidagi korrupsiyaviy xavf-xatarlarni aniqlash va baholash maqsadida korrupsiyaviy xavf-xatarga eng ko’p duch keladigan vazifa va funksiyalar aniqlanib, korrupsiyaviy xavf-xatar yuqori bo’lgan lavozimlar ro’yhati shakllantirildi hamda korrupsiyaviy xavf-xatarlarni bartaraf etish bo’yicha chora-tadbirlar ishlab chiqilib, “E-antikor.uz” elektron platformasida joylashtirilishi ta’minlandi.

Hokimlik tizimi xodimlari tomonidan o’xshash huquqbuzarliklar sodir etilishi ehtimolini baholash maqsadida davlat hokimiyatining boshqa organlarida korrupsiyaviy huquqbuzarliklar sodir etilishining holati va yo’nalishlari haqida ma’lumotlar to’planib o’quv mashg’ulotlarida viloyat hokimligi va barcha shahar-tumanlar hokimliklari  xodimlari  e’tiborlariga yetkazilib, korrupsiyaga qarshi kurashish masalalari bo’yicha tushintirish va tavsiyalar berildi.

              IV. Amalga oshiriladigan korrupsiyaga qarshi kurashish

                     tartib taomillar

Viloyat  hokimligi  Korrupsiyaga qarshi  ichki nazorat sho’’basining 2023-2024 yillarga mo’ljallab tuzilgan korrupsiyaga qarshi talablar va tartib-taomillariga rioya etilishi ustidan nazorat rejasiga muvofiq  viloyat hokimligi, shahar-tumanlar hokimliklarida korrupsiyaga qarshi tartib-taomillarining samaradorligini monitoring va nazorat qilish tekshiruv shaklida o’tkazilib, xodimlarning korrupsiyaga qarshi siyosati bilan tanishtirilganligi, hokimliklarda korrupsiyaviy xatti-harakatlar to’g’risida kelib tushgan xabarlarni qabul qilish bo’yicha aloqa kanallarining mavjudligi, xodimlarning etika va korrupsiyaga qarshi kurashish sohasida o’qitilishini tashkil etilganligi, ishga qabul qilishda nomzodlar tekshiruvini o’tkazishning tamoyillari, talablari va tartibi, xarid qilish tartib-taomillari, shu jumladan to’g’ridan-to’g’ri shartnoma tuzishda ishtirokchilarning majburiy tekshirilishining o’tkazilish ahvoli, manfaatlar to’qnashuvini boshqarish masalalarida olib borilayotgan ishlar ahvoli  o’rganib chiqilib kamchiliklarni bartaraf etish bo’yicha tushintirishlar berilib ijrosi nazoratga olindi.

2024 yil  12 oyi davomida  korrupsiya va boshqa suiiste’molchiliklarga oid qonunbuzilishi holatlarini oldini olish bo’yicha  9 ta ommaviy axborot vositalari orqali huquqiy targ’ibot ishlari o’tkazildi, shundan 1 marotaba televideniyeda (2023 yilda 1 ta), 1 marotaba viloyat gazetasida, 7 marta viloyat hokimligi veb-sayt va boshqa elektron vositalarida ( 2023 yilda 4 ta), 20 marotaba og’zaki huquqiy targ’ibot ishlari ( 2023 yilda 13  ta) olib borildi, shundan 8 ta ma’ruzalar, 12 ta seminarlar o’tkazilib, ijtimoiy tarmoqlarda 6 marotaba yozma huquqiy targ’ibot chiqishlar orqali profilaktik chora-tadbirlar o’tkazildi.

Viloyat hokimligi, Jizzax shahar, YAngiobod, G’allaorol, SHarof Rashidov, Paxtakor, Zafarobod, Do’stlik, Arnasoy,Mirzacho’l, Baxmal va Zarbdor, Zomin tuman hokimliklarida jami  510  nafar boshqaruv xodimlari umumiy, korrupsiya xavf-xatarlari yuqori bo’lgan lavozimlar bo’yicha maxsus turlari bo’yicha korrupsiyaga qarshi kurashish sohasida o’qitilishi ta’minlandi.

Korrupsiyaga qarshi talablar va tartib-taomillarga rioya etilishi yuzasidan nazorat tartibida o’tkazilgan tekshirish davomida xodimlarning korrupsiyaga qarshi talab va tartib-taomillaridan xabardorligi tanlov asosida  xodimlarning bilimlari test orqali tekshirildi.

                                  Ishga nomzodlarni tekshirish

Hokimlik tizimi xodimlarida halollik siyosatini ta’minlash va umuman jamiyatda korrupsiyaga qarshi kurashish madaniyatini oshirish, yuksak xulq-atvor standartlariga muvofiqlik, shuningdek lavozim majburiyatlarini bajarish chog’ida xodimlar tomonidan korrupsiyaviy harakatlar sodir etilishiga yo’l qo’ymaslik  maksadida,  O’zbekiston           Respublikasi    Prezidentining 2021 yil 6 iyuldagi “Korrupsiyaga qarshi kurashish  faoliyatini  samarali tashkil etishga doir qo’shimcha chora-tadbirlar to’g’risida” gi  PF-5177-sonli qaroriga muvofiq  2021 yil 1 sentyabrdan boshlab ishga qabul qilishni ochiq tanlov asosida amalga oshirish hamda tanlov doirasida o’tkaziladigan sinov tadbirlarini Internet tarmog’i orqali real rejimida kuzatishni nazarda tutuvchi tartib joriy etilib, ijrosi nazorat qilib borilmoqda.

          2024 yilning 12 oyi davomida viloyat hokimligi, shahar va tuman hokimliklarida  vakant ish joylariga xodimlarni ishga qabul qilish PF-5177-son qaroriga muvofiq ochiq tanlov asosida amalga oshirilib, ishga qabul qilingan nomzodlar ustidan manfaatlar to’qnashuvini boshqarish bo’yicha nizom va ishga qabul qilinayotgan nomzodlarni tekshirish bo’yicha yo’riqnoma talablariga rioya qilgan holda tekshiruvlar o’tkazilib manfaatlar to’qnashuvi va boshqa salbiy holatlar aniqlanmadi.

                   

                     Manfaatlar to’qnashuvini tartibga solish

 

         Manfaatlar to’qnashuvi haqida xabar berishga mo’ljallangan aloqa kanallari  va ularni ishlash tartibi to’g’risidagi ma’lumotlarni rasmiy  veb-sayt va boshqa OAVlarda joylashtirilib, ijtimoiy tarmoqlardagi rasmiy kanal va sahifalar, telegram bot orqali kelib tushadigan murojaatlarni korrupsiyaga qarshi ichki nazorat tuzilmasi xodimi tomonidan qabul qilish, dastlabki tekshiruvdan o’tkazish, manfaatlar to’qnashuvi haqidagi xabarlarni qabul qilish reyestrini yuritish va murojaatlarni ro’yxatga olish, xabar beruvchining anonimligini ta’minlash tartibi joriy etildi.

     2024 yilning 12 oyida davomida viloyat, shahar va tuman hokimliklari xodimlariga manfaatlar to’qnashuvi mavzusida o’quv-seminarlari o’tkazilib ularga o’zlarining xizmat majburiyatlarini bajarishda va hokimiyat manfaatlarini ifodalashda nizomda belgilangan tamoyillarga amal qilishlari,  manfaatlar to’qnashuviga olib keladigan vaziyatlardan o’zlarini saqlashlari, manfaatlar to’qnashuvini oldini olish maqsadida qanday hollarda xodimlar manfaatlar to’qnashuvi to’g’risida xabar berishi  kerakligi tushintirilib, nizom talablari imzo qo’ydirilgan holda tanishtirildi. 

      Viloyat hokimligida manfaatlar to’qnashuvini boshqarish bo’yicha tegishli ichki idoraviy hujjatga asosan  shtat birligi bo’yicha viloyat hokimligida ishlovchi jami 59 nafar xodimlar manfaatlar to’qnashuvi bo’yicha yillik deklaratsiyalari va bo’sh joylarga ishga qabul qilingan  11  nafar nomzodning lavozimga tayinlashda manfaatlar to’qnashuvini dastlabki tarzda oshkor qilishda to’ldirilgan deklaratsiya arizalari tahlil qilinib  manfaatlar to’qnashuvi holatlari aniqlanmadi.

        O’zbekiston Respublikasi Prezidentining 2024 yil 5 iyundagi “O’zbekiston Respublikasining “Manfaatlar to’qnashuvi to’g’risida”gi Qonuni ijrosini ta’minlash maqsadida viloyat hokimining 2024 yil 14 iyundagi “O’zbekiston Respublikasi Prezidentining 2024 yil 5 iyundagi PQ-210-sonli qarori ijrosi  haqida”gi 379-3-0-Q/24-sonli qarori tasdiqlanib, qonunni ijrosini tashkil etish bo’yicha viloyat hokimligi komissiyasi tarkibi va viloyatda 2024 yilda amalga oshiriladigan ishlar yuzasidan “Yo’l xaritasi” tasdiqlandi.

       Qonun ijrosini tashkil etish bo’yicha viloyat hokimligi Korrupsiyaga qarshi ichki nazorat sho’’basi tomonidan quyidagi ishlar amalga oshirildi:

       Tekshirish davomida taqdim etilgan ma’lumotlar tegishli tartibda o’rganib chiqilganda, viloyat hokimligi, uning bo’ysunuvidagi boshqarma va tashkilotlar hamda shahar va tuman hokimliklarida yaqin qarindoshlar bevosita bo’ysunuvida yoki nazorat yo’nalishidagi tashkilotlarda ishlayotganligi,  ularning bo’ysunuvida bo’lgan tashkilotlarda xodimlar o’rindoshlik asosida ishlayotganligi, hamda ishdan bo’shagan xodimning ikki yil ichida o’z ish joyida bevosita nazoratida bo’lgan tashkilotlarga ishga kirgan  rahbar va xodimlar aniqlanmadi.

        Viloyat hokimligi, shahar va tuman hokimliklarining xodimlari hamda ularning yaqin qarindoshlari tomonidan O’zbekiston Respublikasining “Manfaatlar to’qnashuvi to’g’risida”gi Qonun talablariga rioya etilishi o’rganilganda, davlat hokimiyati va boshqaruv organlarining xodimlariga tadbirkorlik faoliyati bilan shug’ullanishi taqiqlansada, ayrim xodimlar tomonidan mazkur talabga rioya etilmaganligi aniqlandi.

       Tadbirkorlik faoliyati bilan shug’ullanayotgan yoki  tijorat tashkilotlarining ta’sischisi  bo’lgan  hokimlik xodimlariga nisbatan ogohlantirish xatlari berilib, qayd etilgan qonunbuzilishi holatlarini bartaraf etish choralarini ko’rish to’g’risida viloyat hokimligi Tashkiliy-kadrlar guruhi rahbari, shahar va tuman hokimlariga yozma ko’rsatma berilib ijrosi qattiq nazoratga olindi.

        Viloyat, shahar va tuman hokimliklari rahbar va xodimlari tomonidan “Manfaatlar to’qnashuviga” oid test sinovlari (https://test.adliya.us) saytiga kiritilgan holda yechilishi ta’minlanib, natijalari yuzasidan ma’lumotlar joriy yilning 13 iyul’ kuni  01-1025-sonli xat bilan Adliya vazirligiga yuborildi.

        Viloyat hokimligi hamda uning bo’ysunuvidagi boshqarma va tashkilotlar, shahar va tuman hokimliklari hodimlari ish stolida eslatma stolida foydalanish uchun manfaatlar to’qnashuvi bilan bog’liq holatlar va bunday vaziyatlarda ko’riladigan choralar bo’yicha O’zbekiston Respublikasi Adliya vazirligi  tomonidan ishlab chiqilgan tarqatma va slayd viloyat hokimligi rasmiy veb-saytiga joylashtirilishi ta’minlandi.

        Korrupsiyaga qarshi kurashish va manfaatlar to’qnashuvi to’g’risida seminar trening o’tkazish to’g’risidagi reja asosida adliya va prokuratura xodimlari ishtirokida viloyat hokimligi, uning bo’ysunuvidagi boshqarma va tashkilotlar hamda shahar va tumanlar hokimliklarida seminar treninglar o’tkazilib xodimlarga  qonun mazmun moxiyati yetkazilishi ta’minlandi.

              Korrupsiyaga qarshi qoidalarni shartnomalarga kiritish

        O’zbekiston Respublikasi Prezidentining 2021 yil 14 sentyabrdagi “SHartnomaviy munosabatlarni tubdan takomillishtirish chora-tadbirlari to’g’risida” gi PF-6313-son farmoni ijrosini ta’minlash maqsadida viloyat hokimining 2022 yil 5-avgustdagi 254-3-0-F/22-son farmoyishi qabul qilinib, unga muvofiq viloyat, shahar-tuman hokimliklarida bo’sh ish o’rinlariga xodimlarni ishga olishda tuziladigan mehnat  shartnomalarida va xo’jalik yurituvchi sub’yektlar tomonidan davlat xaridlari bilan bog’liq tuziladigan shartnomalarda qonun hujjatlarida belgilangan tartibda tavsiyaviy xarakterdagi korrupsiyaga qarshi kurashish shartlaridan foydalanish to’g’risida yozma ko’rsatmalar yuborilib, amaliyotga tadbiq etilgan.

                                        Kontragentlarni tekshirish

        Kontragentlarni tekshirishga oid yo’riqnomaga muvofiq, hokimlik xodimlarining manfaatlar to’qnashuvi va shaxsiy manfaatdorligi bilan bog’liq bo’lgan korrupsiyaviy xavf-xatarlarni kamaytirish, kontragent bilan shartnoma tuzish to’g’risidagi qarorni tegishli darajada korrupsiyaviy xavf-xatarlarni minimallashtirilgan holda qabul qilish imkonini beradigan to’g’ridan-to’g’ri shartnoma tuzishda ishtirokchilarni majburiy tekshirish mexanizmi amaliyotga tatbiq etildi.

        2024 yil 12 oyi davomida viloyat hokimligida tuzilgan 88  ta, hamda shahar va  tuman hokimliklarida tuzilgan xo’jalik shartnomalari bo’yicha shartnomoviy munosabatga kirishishdan oldin barcha taqdim etilgan hujjatlar bo’yicha  ijrochilar tomonidan tekshiruvlar o’tkazilib, xulosalar rasmiylashtirilishi ta’minlandi.

                                    V. Ta’lim va kommunikatsiya

         Viloyat hokimligi Korrupsiyaga qarshi ichki nazorat tuzilmasining   korrupsiyaga qarshi kurashish bo’yicha xodimlarning va aholining huquqiy ongi va huquqiy madaniyatini yuksaltirish, unga nisbatan murosasiz munosabatni shakllantirishga oid targ’ibot tadbirlari doirasidagi faoliyatini 2024 yilda  tizimli ravishda amalga oshirilishini ta’minlash bo’yicha chora-tadbirlar ishlab chiqildi.

         Hokimlik tizimida korrupsiyaviy xavf-xatarni aniqlash va dastlabki baholash, natijalari bo’yicha aniqlangan xavf-xatarni kamaytirish yuzasidan korrupsiyaviy xavf-xatarga eng ko’p duch keladigan xodimlarning faoliyat sohalari va lavozimlarining ro’yxati shakllantirilib, korrupsiyaviy xavf-xatarni kamaytirish maqsadida xodimlarga korrupsiyaga qarshi maxsus(qo’shimcha) o’qitish rejasi va jadvaliga muvofiq 27 mart kuni viloyat hokimligida O’zbekiston Respublikasining “Korrupsiyaga qargshi kurashish to’g’risida”gi, “Davlat xaridlari to’g’risida”gi va “Raqobat to’g’risida”gi qonunlari, korrupsiyaga qarshi kurashish siyosati, manfaatlar to’qnashuvini oldini olish, aniqlash va tartibga solish, korrupsiyaviy hatti-xarakatlar uchun  jinoiy, intizomiy va ma’muriylar javorbgarlik, xodimlarning xizmatdagi xulq-atvorining asosiy tamoyillari va qoidalari, odob-axloq qoidalarini buzganlik uchun javobgarlik mavzularida, hamda ishga qabul qilingan xodimlarni korrupsiyaga qarshi kurashish bo’yicha bilim va ko’nikmalarini oshirish bo’yicha o’quv mashg’ulotlari o’tkazildi.

      2024 yil 28 mart kuni viloyat hokimligi  Axborot xizmati media markazida  viloyat, shahar-tumanlar hokimliklari axborot xizmati xodimlari va ommaviy axborot vositalari xodimlari ishtirokida “Davlat hokimiyati va boshqaruv organlari faoliyatining ochiqligi to’g’risidagi qonunchilik” mavzusida matbuot anjumani o’tkazilib, viloyat televideniyasi orqali jamoatchilikka yetkazildi.

      Viloyat hokimligi veb-saytida korrupsiyaga qarshi kurashish va uni oldini olish yuzasidan qabul qilingan farmon va qarorlar, korrupsiya qonunchiligi, korrupsiyaga oid huquqbuzarliklar, korrupsiya va manfaatlar to’qnashuvi tushinchalari, odob-axloq qoidalari hamda O’zbekiston Respublikasi Korrupsiyaga qarshi kurashish agentligi direktorining 2023 yil 11 martdagi “ Davlat fuqarolik xizmatchisi tomonidan xizmat safarlari, xalqaro va boshqa rasmiy tadbirlar munosabati bilan olinishi mumkin bo’lgan sovg’a qiymati, shuningdek uni tasarruf etish tartibi to’g’risidagi nizomni tasdiqlash to’g’risida”gi 54-son buyrug’i, korrupsiyaga qarshi kurashish to’g’risidagi qonun korrupsiyaviy holatlar bo’yicha xabar berganlarni himoya qilishi va “Davlat xokimiyati va boshqaruv organlari faoliyatining ochiqligi to’g’risida qonunchilikning buzilishi yuzasidan  tushintirish va tavsiyalar berildi.

       O’zbekiston Respublikasi Prezidentining 2024 yil 5 iyundagi “O’zbekiston Respublikasining “Manfaatlar to’qnashuvi to’g’risida”gi Qonuni ijrosini ta’minlash maqsadida viloyat hokimining 2024 yil 14 iyundagi “O’zbekiston Respublikasi Prezidentining 2024 yil 5 iyundagi PQ-210-sonli qarori ijrosi  haqida”gi 379-3-0-Q/24-sonli qarori tasdiqlanib, qonunni ijrosini tashkil etish bo’yicha viloyat hokimligi komissiyasi tarkibi va viloyatda 2024 yilda amalga oshiriladigan ishlar yuzasidan “Yo’l xaritasi” tasdiqlandi.

         Mazkur qarorni ijrosini ta’minlash maqsadida G’allaorol, Mirzacho’l, Arnasoy, Zafarobod tuman hokimliklari xodimlari va tuman mahalla yettiligi xodimlari  bilan qonunning mazmun moxiyatiga bag’ishlangan seminar treninglar o’tkazildi.  

 

        VI. Korrupsiyaviy xatti – xarakatlar va xuquqbuzarliklar to’g’risidagi xabarlar

        Viloyat hokimligi tizimida korrupsiyaga qarshi kurashish, manfaatlar to’qnashuvini aniqlash va tegishli ta’sir choralarini ko’rishga qaratilgan chora-tadbirlarning samaradorligini oshirish maqsadida aloqa kanallari orqali korrupsiyaviy xatti-harakatlar haqida kelib tushgan xabarlar bilan ishlashning asosiy tamoyillari, shuningdek ro’yhatdan o’tkazish va ko’rib chiqish, tashkilot rahbariga hisobot taqdim etish tartibi, viloyat hokimi qarori bilan tasdiqlangan aloqa kanallari orqali korrupsiyaviy xatti-harakatlar to’g’risida kelib tushgan xabarlarni qabul qilish va ko’rib chiqish reglamentiga muvofiq joriy etildi.

        2024 yil 12 oyi davomida viloyat hokimligi, shahar va tumanlar hokimliklari xodimlariga nisbatan aloqa kanallari orqali korrupsiyaviy xatti-xarakatlar to’g’risida murojaatlar kelib tushmadi.

        Hokimlik tizimida xodimlar tomonidan korrupsion va boshqa jinoyatlarni sodir etilishini oldini olish maqsadida,  viloyat DXX mas’ul xodimi bilan hamkorlikda yig’ilish o’tkazilib,  xodimlarga “Korrupsiyaga qarshi kurashish to’g’risida”gi va “Vijdon erkinligi va diniy tashkilotlar to’g’risida”gi qonunlari hamda etika va odob-axloq qoidalariga rioya qilish to’g’risida tushintirish va topshiriqlar berildi.

          

                             VII. Monitoring va nazorat

          O’zbekiston Respublikasi Prezidentining 2021 yil 6 iyuldagi PF-6257-son Farmoniga 1-Ilova muvofiq tasdiqlangan Korrupsiyaga qarshi kurashish bo’yicha 2021-2022 yillarga mo’ljallangan davlat dasturining 26-bandi bilan  viloyat hokimligiga yuklatilgan davlat organlari va tashkilotlarida korrupsiyaga qarshi ichki nazorat tuzilmalari samarali faoliyati tashkil etish to’g’risidagi chora tadbiri  ijrosi viloyat hokimining 2021 yil 27-sentyabr kungi 152-3-0-Q/21 -son qarori bilan viloyat hokimligi korrupsiyaga qarshi ichki  nazorat sho’’basini  tashkil etilib ijrosi ta’minlandi va davlat dasturlarida tashkilotga yuklatilgan vazifa ijrosi monitoring qilinib, O’zbekiston Respublikasi Korrupsiyaga qarshi kurashish agentligiga korrupsiyaga qarshi kurashish bo’yicha davlat dasturida rejalashtirilgan tadbirlarni amalga oshirilganligi to’g’risidagi  hisobot taqdim etildi.

 

            VIII. Aniqlangan qoidabuzarliklar va ularga ta’sir choralari

    

         2024 yilning 12 oyi davomida  2 holat yuzasidan davlat xaridlari  hujjatlarini qonuniyligi   yuzasidan xizmat tekshiruvi o’tkazildi.

        Do’stlik tumani hokimligi Obodonlashtirish boshqarmasi buyurtmachiligida  2024 yil  5 yanvardagi elektron axborot portalida  210. 000.000 so’mlik  ko’chatlar sotib olish uchun  joylashtirilgan elektron tanlov e’loni bo’yicha davlat xaridlari  hujjatlarini qonuniyligini   yuzasidan xizmat tekshiruvi o’tkazildi.

     Xizmat tekshiruvi davomida Do’stlik tumani hokimligi Obodonlashtirish boshqarmasi xarid komissiyasi tomonidan tanlov o’tkazish jarayonida O’zbekiston Respublikasining “ Raqobat to’g’risida”gi qonunining 14-moddasi “savdolar o’tkazishning qonunchilikda belgilangan tartibini buzish”, “savdolarning tashkilotchilari va buyurtmachilari tomonidan savdolar ishtirokchilarining faoliyatini muvofiqlashtirish”, hamda  “savdolarning bitta yoki bir nechta ishtirokchisiga savdolarda qatnashish uchun imtiyozli shart-sharoitlar yaratib berish, shu jumladan axborotdan foydalanish orqali imtiyozli shart-sharoitlar yaratib berish” holatlari bo’yicha  monopoliyaga qarshi talablar buzilganligi aniqlandi.

        Mazkur davlat xaridini amalga oshirishda ishtirok etgan Do’stlik  tumani  hokimligi  Obodonlashtirish  boshqarmasi davlat xaridlari tanlov  komissiyasi raisi  V.Raxmatov va komissiya a’zolari A.Ermanov, S.O’tamuradov, B.Qo’nishev, Z.Ismoilov va bosh hisobchisi Samadov Isomiddinlarga  O’zbekiston Respublikasi  “Davlat xaridlari to’g’risida”gi  va “Raqobat to’g’risida”gi qonun talablarini qo’pol ravishda buzilganligi uchun intizomiy jazo tayinlanishi  va O’zbekiston Respublikasi Ma’mumiy javobgarlik to’g’risidagi kodeksining 175⁸- moddasi 3-qismi bilan  ma’muriy javobgarlik qo’llanishi taklif qilindi.

         Xizmat tekshiruvi xujjatlari Do’stlik tumani hokimligida ko’rib chiqilib, tuman hokimining 2024 yil 5 mart kungi 177-3-47-OB/2024-son buyrug’i bilan Obodonlashtirish boshqarmasi davlat xaridlari tanlov komissiyasi raisi B.Raxmatov hamda komissiya a’zolari F.Ermonov, B.Qo’shiyev, Z.Ismoilova, I Samatov va S.O’tamuradovlarga nisbatan O’zbekiston Respublikasi Mehnat kodeksining 312-moddasi 1-qismi 1-bandiga asosan “xayfsan” intizomiy jazolari tayinlandi.

       Zomin tumani hokimligi Obodonlashtirish boshqarmasi buyurtmachiligida 2024 yil  27 sentyabr’ kuni  “xarid.uzex.uz” davlat xaridlari maxsus axborot portalida (241110083132036-sonli lot, elektron do’kon) e’lon qilingan “Eonimus gul kochatlari” yetkazib berish bo’yicha 11 459 630 so’mlik, 2024  yil 10 oktyabr’ kuni “XT-xarid” davlat xaridlari maxsus axborot portalida (242010083576242-sonli lot, elektron do’kon) e’lon qilingan  100 000 dona “Salviya “Mavtak” kochatlari” yetkazib berish bo’yicha 248 500 000 so’mlik va “242010083576296-sonli lot, elektron do’kon” e’lon qilingan 3160 ta “Katarantus kochatlari“ yetkazib berish bo’yicha 173 058 400 so’mlik davlat xaridlari bo’yicha o’zining taklifi bilan g’olib deb topilgan yakka tartibdagi tadbirkor Saidnazarov Dilshodbek bilan tuzilgan shartnoma hujjatlarini qonuniyligini   yuzasidan xizmat tekshiruvi o’tkazildi.

      Xizmat tekshiruvi davomida tuman Obodonlashtirish boshqarmasi mansabdor shaxslari tomonidan O’zbekiston Respublikasining “Davlat xaridlari to’g’risida”gi va “ Raqobat to’g’risida”gi qonunining talablari buzilganligi aniqlandi.

       Mazkur davlat xaridini amalga oshirishda ishtirok etgan Zomin  tuman  hokimligi  Obodonlashtirish  boshqarmasi boshlig’i YUsupov Abduxalil va bosh hisobchisi Toshmuradov SHodmonqulga  O’zbekiston Respublikasi  “Davlat xaridlari to’g’risida”gi  va “Raqobat to’g’risida”gi qonun talablarini qo’pol ravishda buzilganligi uchun intizomiy jazo tayinlanishi  va O’zbekiston Respublikasi Ma’mumiy javobgarlik to’g’risidagi kodeksining 175⁸- moddasi 3-qismi bilan  ma’muriy javobgarlik qo’llanishi taklif qilinib,  xizmat tekshiruvi natijalari to’g’risidagi ma’lumotnoma intizomiy chora ko’rishlik uchun tuman hokimligiga va tegishliligi bo’yicha ma’muriy chora ko’rishlik uchun O’zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti Davlat nazorat inspeksiyasining Jizzax viloyati boshqarmasiga yuborilishi ta’minlandi.

 

                                             IX. Xulosalar

          Viloyat hokimligi Korrupsiyaga qarshi ichki nazorat tuzilmasining   korrupsiyaga qarshi kurashish bo’yicha 2024 yil davomida viloyat, shahar-tuman hokimliklari xodimlarning hamda aholining huquqiy ongi va huquqiy madaniyatini yuksaltirish, unga nisbatan murosasiz munosabatni shakllantirishga oid targ’ibot tadbirlari doirasidagi faoliyatini tizimli ravishda amalga oshirilishini ta’minlash bo’yicha chora-tadbirlar ishlab chiqildi.

         Viloyat hokimligida korrupsiyaga oid huquqbuzarliklarni oldini olish va unga qarshi kurashish  ishlari O’zbekiston Respublikasi qonunlari, O’zbekiston Respublikasi Prezidentining farmon va qarorlariga talablariga rioya qilgan holda korrupsiyaga qarshi kurashish tizimi joriy etilib,  asosiy e’tibor xodimlarni huquqiy ongi va madaniyatini yuksaltirish hamda ularga korrupsiyaga nisbatan murosasiz munosabatni shakllantirishga qaratilganligi sababli salbiy holatlarga yo’l qo’yilmadi.

          X. Korrupsiyaga qarshi kurash tizimini yanada rivojlantirish bo’yicha takliflar va tadbir rejalar

           Viloyat hokimligida korrupsiyaga qarshi kurash tizimini yanada rivojlantirish uchun  korrupsiyaviy xavf-xatarni aniqlash bo’yicha xodimlar va fuqarolar o’rtasida so’rovnomalar o’tkazish, natijasi bo’yicha baholash  va xavf-xatarlarni minimallashtirish bo’yicha tadbirlar amalga oshirish.  

 

          Viloyat hokimligi Korrupsiyaga qarshi

          ichki nazorat sho’’basi rahbari                                                          S.Melibayev