“Xavfsiz hayot uchun birlashaylik!” festivali qoraqalpogʻistonlik yoshlarni oʻzida jamladi
2024-09-19 10:30:00 / Yangiliklar
Oʻzbekiston Respublikasi IIV Jamoat xavfsizligi departamenti hamda Qoraqalpogʻiston Respublikasi Joʻqorgʻi Kengesi bilan hamkorlikda joriy yilning 17-19-sentabr kunlari Nukus shahrida “Xavfsiz hayot uchun birlashaylik!” shiori ostidan keng qamrovli maʼnaviy-maʼrifiy tadbir tashkil etildi.
Yoshlarni vatanparvarlik ruhida tarbiyalash, ularning dunyoqarashini yuksaltirish hamda har tomonlama qoʻllab-quvvatlash maqsadida tashkil etilgan mazkur tadbirning dastlabki kunida Oʻzbekiston Respublikasi Ichki ishlar vaziri oʻrinbosari, general-mayor Bekmurod Abdullayev boshchiligida Nukus shahridagi “IT-PARK KARAKALPAKSTAN” binosida Qoraqalpogʻiston Respublikasi Ichki ishlar vazirligiga biriktirilgan yoshlar ishtirokida “Sayyor qabul” oʻtkazildi. Jarayonda 70 nafar yoshlarning murojaatlari tinglanib, ularning muammolari oʻz oʻrnida ijobiy hal qilindi.
Nukus shahridagi “Doʻstlik” markaziy maydonida “Xavfsiz hayot uchun birlashaylik!” festivalining tantanali ochilish marosimi boʻlib oʻtdi. Jamoat xavfsizligi departamenti sohaviy xizmat xodimlari faoliyatiga oid taqdimotlar, koʻrgazmali chiqishlar bilan tadbir mehmonlari yaqindan tanishtirildi. Tadbirning asosiy qismida ichki ishlar xodimlari bilan yelkama-yelka jamoatchilik asosida xizmat qilib kelayotgan bir guruh faol yoshlar diplom hamda pul mukofotlari bilan taqdirlandi. Tadbir doirasida oʻtkazilgan konsert dasturi yigʻilganlarga yanada koʻtarinki kayfiyat ulashdi.
“Xavfsiz hayot uchun birlashaylik!” shiori ostidagi keng qamrovli maʼnaviy-maʼrifiy tadbir davom etmoqda.
IIV Jamoat xavfsizligi departamenti Axborot xizmati