Andijon viloyati ichki ishlar organlarida “Yilning eng yaxshi murabbiyi” koʻrik-tanlovining viloyat bosqichi oʻtkazildi
2024-09-17 17:25:00 / Yangiliklar
Oʻzbekiston Respublikasi Prezidentining 2023-yil 20-yanvardagi “Ichki ishlar organlarini xalqchil professional tuzilmaga aylantirish va aholi bilan yanada yaqin hamkorlikda ishlashga yoʻnaltirish boʻyicha qoʻshimcha chora-tadbirlar toʻgʻrisida”gi PQ-10-son qaroriga muvofiq, ichki ishlar organlarida maʼnaviy-maʼrifiy ishlar samaradorligini oshirish hamda ushbu sohada xizmat qilib kelayotgan eng yaxshi murabbiy xodimlarni aniqlash maqsadida Andijon viloyati ichki ishlar organlarida “Yilning eng yaxshi murabbiyi” koʻrik-tanlovining viloyat bosqichi boʻlib oʻtdi.
Ushbu oʻtkazilgan tanlovning yakuniy natijasiga koʻra, JXX JTSB patrul-post xizmati bataloni birinchi otryad patrul-post xizmati inspektori safdor Nodirbek Roʻzmatov 3-oʻrinni, Paxtaobod tumani IIB JXX HPB profilaktika katta inspektori mayor Oyatillo Otaxoʻjayev 2-oʻrinni hamda Andijon shahar boʻyicha IIOFMB 2-sonli IIB HPG profilaktika katta inspektori kapitan Jaloldin Tursunov esa faxrli 1-oʻrinni egallab, tanlovning respublika bosqichiga yollanmani qoʻlga kiritdi.
Gʻolib va sovrindor boʻlgan xodimlar diplom va qimmatbaho sovgʻalar bilan taqdirlandilar.
Xodimlar oʻrtasida sogʻlom raqobat muhitini shakllantirish, ularning jangovar, jismoniy va kasbiy tayyorgarlik darajasini kuchaytirish, ular orasida qonunchilik va xizmat intizomini mustahkamlash borasidagi tadbirlar davom ettirilmoqda.
Andijon viloyati IIB Axborot xizmati