Qoraqalpogʻiston Respublikasi Ichki ishlar vaziri polkovnik Baxtiyar Torebekov Kegeyli tumanida kuz-qish mavsumiga tayyorgarlik koʻrish masalalari yuzasidan yigʻilish oʻtkazdi
2024-09-15 09:00:00 / Yangiliklar
Joriy yilning 27-avgust kuni Prezidentimiz Shavkat Mirziyoyev raisligida energiya tejamkorligini taʼminlash, muqobil quvvatlardan foydalanishni kengaytirish masalalari muhokamasi boʻyicha video selektor yigʻilish oʻtkazgan edi.
Davlatimiz rahbarining yigʻilishda berilgan topshiriqlarining ijrosini taʼminlash maqsadida Qoraqalpogʻiston Respublikasi Ichki ishlar vaziri polkovnik Baxtiyar Torebekov tomonidan respublikamizning Kegeyli tumanida aholi va mutasaddi tashkilot rahbarlari ishtirokida yigʻilish oʻtkazildi.
Yigʻilishda kuz va qish mavsumiga tayyorgarlik koʻrish, shuningdek gazdan zaharlanish holatlarining oldini olish yuzasidan korxona tashkilot rahbarlariga topshiriqlar berildi.
Qoraqalpogʻiston Respublikasi IIV Axborot xizmati