IIV Malaka oshirish institutida navbatdagi bitiruv tadbiri boʻlib oʻtdi
2024-09-15 09:00:00 / Yangiliklar
Institutning Olmaliq shahridagi oʻquv bazasida kasbiy tayyorgarlik fakulteti tinglovchilarining tantanali bitiruv tadbiri boʻlib oʻtdi.
Tadbirda, Vazirlik masʼul xodimlari, Institut rahbariyati, professor-oʻqituvchilari, jamoatchilik vakillari, ichki ishlar organlari faxriylari, ota-onalar va ommaviy axborot vositalari xodimlari ishtirok etdi.
Vazirlik Maʼnaviy-maʼrifiy ishlar va kadrlar bilan taʼminlash departamenti boshligʻi oʻrinbosari, polkovnik Umidbek Nurullayev, Yangi Oʻzbekistonning taraqqiyot strategiyasida koʻzlangan maqsadlarga erishishda huquqbuzarliklar profilaktikasi va jamoat xavfsizligini taʼminlash sohasida zamonaviy bilim sirlarini egallagan, teran fikrlaydigan va yangicha dunyoqarash sohibi boʻlgan xodimlarni tayyorlash muhimligini taʼkidladi.
Oʻquv dasturlari talablarini toʻliq oʻzlashtirgan, yakuniy sinov-imtihonlarni muvaffaqiyatli topshirgan 222 nafar tinglovchilarga diplomlar tantanali ravishda topshirilib, ularga “kichik serjant” maxsus unvoni berildi.
Kasbiy bilim, nazariy va amaliy koʻnikmalarini yanada oshirishga intilib kelgan bir guruh tinglovchilar faxriy yorliq bilan taqdirlandi.
IIV Malaka oshirish instituti