Vazir oʻrinbosari general-mayor Bekmurod Abdullayev boshchiligidagi ishchi guruhning Qashqadaryo viloyatidagi oʻrganishlari davom etmoqda
2024-09-13 10:05:00 / Yangiliklar
Dastavval, Vazir oʻrinbosari viloyat IIB JXX YHXBda boʻlib, yoʻl-patrul xizmati inspektorlari ishtirokida saf koʻrigi oʻtkazdi. Saf koʻrigi davomida xodimlarning xizmatga shayligi, anjomlari hamda saf tayyorgarligini koʻzdan kechirdi.
Shuningdek, joriy yilda qurilishi rejalashtirilayotgan Koʻkdala va Shahrisabz tumani YHXBlari maʼmuriy binolarining taʼmirlash taqdimot rejasi bilan ham yaqindan tanishdi.
General-mayor jarayonda xizmat avtomobillarining soni, texnik holatini koʻzdan kechirib, xizmat va ish unumdorligini kuchaytirish, yoʻllarda harakat xavfsizligini taʼminlash hamda huquqbuzarliklarning oldini olish boʻyicha masʼullarga tegishli koʻrsatma va topshiriqlar berdi.
IIV Jamoat xavfsizligi departamenti Axborot xizmati