IIV Jamoat xavfsizligi departamenti Probatsiya xizmati boshligʻi Buxoro viloyati Shofirkon tumanidagi “qizil” toifaga kiritilgan mahallalar hamda probatsiya roʻyxatida turgan nazorat ostidagi shaxslar bilan “yettilik”ning hamkorlikda olib borilgan ishlari
2024-09-12 09:00:00 / Yangiliklar
Xizmat safari bilan Buxoro viloyatida boʻlib turgan Oʻzbekiston Respublikasi IIV Jamoat xavfsizligi departamenti boshligʻi oʻrinbosari, Probatsiya xizmati boshligʻi polkovnik Sh.Uralov oʻrganishlarning birinchi kunida viloyat 3-sektor hududiga kiruvchi Shofirkon tumanida boʻldi.
Bunda, tuman hududida kriminogen vaziyatni barqarorlashtirish boʻyicha olib borilgan ishlar, jinoyat va huquqbuzarliklar sodir etilishiga sabab boʻlayotgan omillar birma-bir tahlil qilindi.
Oʻrganishlar davomida jinoyatchilik salmogʻi oshgan “qizil” mahallalarida boʻlib, “yettilik” vakillarining hamkorlikda jinoyatchilikni oldini olish borasida olib borgan ishlari bilan tanishdi.
Jarayonda mahallalarning kriminogen vaziyatiga taʼsir qilayotgan omillar, shuningdek, kompleks yondashuv asosida amalga oshirilishi lozim boʻlgan profilaktik tadbirlar samaradorligini oshirish, salmogʻi yuqori boʻlgan jinoyatlarni oldini olishning oʻziga xos xususiyatlarini inobatga olgan holda maxsus kontingent bilan ishlash kerakligi borasida alohida topshiriqlar berildi.
Shuningdek, mahallarda va taʼlim muassasalarida zamonaviy kuzatuv kameralarini oʻrnatish, xavfsizlikni taʼminlash borasida ham oʻrganishlar olib borildi.
Probatsiya xizmati boshligʻi polkovnik Sh.Uralov oʻrganishlari doirasida Shofirkon tumanidagi kam taʼminlangan, ijtimoiy himoyaga muhtoj fuqarolar xonadonlarida boʻlib, ularning mavjud muammolarini oʻrgandi.
Bu kabi oʻrganishlar davom etmoqda.
Buxoro viloyati IIB Axborot xizmati