Namangan viloyati IIB boshligʻi polkovnik Shuxrat Aliyev huzurida 8 oylik jinoyatchilik ahvoli muhokama qilindi
2024-09-09 13:00:00 / Yangiliklar
Polkovnik Shuxrat Aliyev huzurida videoselektor tarzida oʻtkazilgan yigʻilishda boshqarma boshligʻi oʻrinbosarlari, sohaviy xizmat rahbarlari va shahar-tuman IIB rahbariyati ishtirok etib, unda joriy yilning 8 oyi davomida jinoyatchilikni oldini olish borasida amalga oshirilgan ishlar, yoʻl qoʻyilgan kamchiliklar, jinoyat va hodisalar yuzasidan kelib tushgan xabarlarni qonuniy hal etilish ahvoli, shaxsiy tarkib oʻrtasida xizmat intizomi hamda qonunchilikka rioya etish masalalari tanqidiy ruhda koʻrib chiqildi.
Dastlab, kun tartibidagi masalalar yuzasidan boshqarma boshligʻining oʻrinbosarlari va tegishli sohaviy xizmat rahbarlari batafsil axborot berdi. Shundan soʻng, boshqarma boshligʻi mavhum holda sodir etilgan jinoyatlarni fosh etish, ichki ishlar organlari xodimlari tashabbusi bilan aniqlanadigan jinoyatlar va qidiruvdagi shaxslarni ushlash, shu bilan birga jinoyatlarning salmogʻi oshib ketgan turlari boʻyicha hududlarda xodimlar tomonidan yetarlicha hamda “mahallabay” ish tashkil etilmayotganligini keskin tanqid qilib, masʼul rahbar hamda xodimlarga aniq topshiriqlar berdi.
Shuningdek, bu yilgi kuz-qish mavsumiga tayyorgarlik koʻrish va elektr energiyasining tejamkor usullardan foydalanish masalalari, shuningdek, “Paxta — 2024” mavsumida jamoat hamda yoʻl harakati xavfsizligini taʼminlash boʻyicha ham xodimlar zimmasiga tegishli vazifalar yuklatildi.
Namangan viloyati IIB Axborot xizmati