Vazir oʻrinbosari general-mayor Baxodir Mirzaraximov Toshkent shahri aeroportlarida olib borilayotgan qurilish ishlari bilan yaqindan tanishdi
2024-09-07 13:10:00 / Yangiliklar
Ichki ishlari vaziri oʻrinbosari general-mayor Baxodir Mirzaraximov “Islom Karimov” nomidagi Toshkent shahri aeroportlarida olib borilayotgan qoʻrilish ishlari bilan yaqindan tanishib, aeroportda xizmat olib borayotgan xodimlari bilan uchrashdi.
Vazir oʻrinbosari tomonidan, transport obyektlarida huquqbuzarlik va jinoyatlarning, shuningdek, baxtsiz hodisalarning barvaqt oldini olish, aeroport obyektlaridagi qurilish ishlariga jalb qilingan ishchilar oʻrtasida jinoyatchilik va huquqbuzarliklar hamda ijtimoiy-kriminogen vaziyatga salbiy taʼsir etuvchi omillar oʻrganib, ularni bartaraf etish yuzasidan aniq va manzilli chora-tadbirlar belgilandi.
Shuningdek, vazir oʻrinbosari tomonidan aeroport hududlaridagi yoʻlovchi fuqarolar hamda yurtimizga tashrif buyurayotgan sayyohlarga yaratilgan sharoitlar oʻrganilib, olib borilayotgan qurilish ishlarini jadallashtirish, ishchi xodimlarning faoliyati ustidan nazoratni kuchaytirish, korrupsiyaga yoʻl qoʻymaslik boʻyicha bir qator koʻrsatmalar berildi.
IIV Transport va turizm obyektlarida xavfsizlikni taʼminlash departamenti Axborot guruhi