Ichki ishlar vaziri oʻrinbosari general-mayor Baxodir Mirzarahimov Samarqandda oʻrganishlar olib bormoqda
2024-08-21 17:00:00 / Yangiliklar
![Ichki ishlar vaziri oʻrinbosari general-mayor Baxodir Mirzarahimov Samarqandda oʻrganishlar olib bormoqda](/_next/image?url=https%3A%2F%2Fapi-portal.gov.uz%2Fuploads%2Fb84d6bd6-af35-38dc-6fd1-5ab74f184104_lists_slider_.jpg&w=3840&q=75)
Oʻzbekiston Respublikasi Ichki ishlar vaziri oʻrinbosari general mayor Baxodir Mirzarahimov mamlakatimiz mustaqilligining 33-yilligi tantanalari hamda “Sharq taronalari” xalqaro musiqa festivaliga koʻrilayotgan tayyorgarlik ishlari doirasida Samarqand viloyati IIB Xavfsiz turizmni taʼminlash boshqarmasi xodimlarining xizmati bilan yaqindan tanishdi.
Bayramlar hamda xalqaro miqyosda oʻtkaziladigan tadbirlar arafasida chet ellik mehmonlar xavfsizligini taʼminlash, shuning bilan birga ichki turizmni ham rivojlantirish borasida xodimlar bilan tushuntirishlar olib borildi.
Registon ansambli, Amir Temur maqbarasi, Xoʻja Doniyor majmuasi va boshqa turizm maskanlarida boʻlib, xavfsiz turizmni taʼminlash tizimi xodimlarining mehmonlarga hurmat va ehtiromni namunali darajada koʻrsatish lozimligi xususida koʻrsatmalar berdi.
Samarqand viloyati IIB Axborot xizmati