Ichki ishlar vaziri oʻrinbosari general-mayor Baxodir Mirzaraximov tomonidan Transport va turizm obyektlarida xavfsizlikni taʼminlash departamenti shaxsiy tarkibi bilan bir qator manzilli chora-tadbirlar belgilandi
2024-08-10 10:00:00 / Yangiliklar
Joriy yilning 10-avgust kuni Ichki ishlar vaziri oʻrinbosari general-mayor Baxodir Mirzaraximov tomonidan Transport va turizm obyektlarida xavfsizlikni taʼminlash departamenti shaxsiy tarkibi bilan navbatdagi yigʻilish oʻtkazildi.
Mazkur yigʻilishda dastlab, boshqarma, boʻlim va boʻlinma rahbarlarining mazkur hafta davomida amalga oshirilishi lozim boʻlgan ishlar, transport obyektlaridagi jinoyatchilik va huquqbuzarliklar hamda ijtimoiy-kriminogen vaziyatga salbiy taʼsir etuvchi omillar chuqur tahlillar asosida oʻrganilib, ularni bartaraf etish yuzasidan aniq va manzilli chora-tadbirlar belgilandi.
Tadbir davomida mazkur tadbirda, Ichki ishlar vaziri oʻrinbosari tomonidan vatan ravnaqi yoʻlida uning tinch osoyishtaligini saqlab, oʻz kasbiga sadoqat bilan xizmat qilib uvchi bir Departament markaziy apparati va uning quyi tizimida xizmat qiluvchi bir guruh xodimlarga navbatdagi maxsus unvonlar berildi.
Shuningdek, “Parij-2024” XXXIII Yozgi Olimpiya oʻyinlarida yurtimiz sharafini munosib himoya qilayotgan IIV Transport va turizm obyektlarida xavfsizlikni taʼminlash departamenti xodimi Moʻydinxoʻjayev Asadxoʻja Zoxidxoʻja oʻgʻlini oltin medalni qoʻlga kiritgani bilan barcha shaxsiy tarkibni tabriklab oʻtdilar.
IIV Transport va turizm obyektlarida xavfsizlikni taʼminlash departamenti Axborot guruhi