🏛️ Agentlik xodimlari strategik rejalashtirish va boshqaruv samaradorligi bo‘yicha malaka oshirdi
2026-11-07 15:10:00 / Yangiliklar
Sanoat kooperatsiyasi va davlat xaridlari agentligining 20 nafar xodimi 2–6-noyabr kunlari Ernst & Young (EY) Biznes akademiyasi tomonidan tashkil etilgan “Strategik rejalashtirish va samaradorlikni oshirish” mavzusidagi seminar-treningda ishtirok etdi.

🕑 36 soatlik o‘quv dasturi davomida strategik maqsadlarni belgilash, ish jarayonlarini optimallashtirish, resurslarni samarali boshqarish, xatarlarni baholash hamda jamoaviy hamkorlikni kuchaytirish masalalari o‘rganildi.
Mashg‘ulotlarda xalqaro boshqaruv modellari asosida Agentlikning amaldagi ish jarayonlari tahlil qilinib, ularning samaradorligini oshirish yuzasidan amaliy takliflar ishlab chiqildi.
Seminar-trening yakunida 20 nafar xodim o‘quv dasturini muvaffaqiyatli tamomlab, tegishli sertifikatlarga ega bo‘ldi.
Mazkur o‘quv dasturi xodimlarning kasbiy salohiyatini oshirish, natijaga yo‘naltirilgan boshqaruvni rivojlantirish hamda Agentlik faoliyati samaradorligini yanada oshirishga xizmat qiladi.



