✅ Agentlik vakillari Xitoyda sanoat parklarini qurish va boshqarish bo‘yicha xalqaro seminarda ishtirok etmoqda
2026-08-17 15:30:00 / Yangiliklar
Mazkur seminar Xitoy Xalq Respublikasi Savdo vazirligi tashabbusi bilan Suzhou fan va texnologiyalar universiteti tomonidan tashkil etilgan bo‘lib, unda Sanoat kooperatsiyasi va davlat xaridlari agentligi vakillari ham ishtirok etmoqda.
Xalqaro seminarda O‘zbekiston, Janubiy Afrika Respublikasi, Indoneziya, Efiopiya, Barbados, Turkiya, Iordaniya, Grenada, Zimbabve va Iroq, shuningdek, Afrika Ittifoqi Komissiyasi (AUC) vakillari qatnashmoqda.
🎤 Seminarning asosiy maqsadi ishtirokchilarni Xitoyning sanoat parklarini rejalashtirish, qurish va samarali boshqarish, zamonaviy infratuzilmani rivojlantirish, investitsiyalarni jalb qilish hamda sanoat hududlarining investitsiyaviy jozibadorligini oshirish borasidagi ilg‘or tajribasi bilan yaqindan tanishtirishdan iborat.
Shuningdek, seminar doirasida Xitoyning yetakchi ekspertlari va ilmiy doiralari ishtirokida sohadagi zamonaviy yondashuvlar muhokama qilinib, ishtirokchi davlatlar o‘rtasida tajriba almashish va o‘zaro manfaatli hamkorlik aloqalarini kengaytirishga alohida e’tibor qaratiladi.