O‘zbekiston Respublikasi Prezidentining  2026-yil 6-fevraldagi "Mahalliy ishlab chiqarish va sanoat kooperatsiyasini yangi tizim asosida rivojlantirish bo‘yicha birinchi navbatdagi chora-tadbirlar to‘g‘risida"gi PF-17-sonli Farmoni bilan Sanoat kooperatsiyasi va davlat xaridlari agentligi  tashkil etilgan.

Sanoat kooperatsiyasi va davlat xaridlari agentligining  asosiy vazifalari va faoliyat yo‘nalishlari quyidagilar:

sanoat kooperatsiyasi va davlat xaridlari sohasida yagona boshqaruvni joriy etish orqali yaxlit va muvofiqlashtirilgan davlat siyosati yuritilishini yoʻlga qoʻyish;

mamlakatda yuqori texnologiyali va raqobatbardosh mahsulotlar ishlab chiqarishga yoʻnaltirilgan qoʻshilgan qiymat zanjirlarini yaratish, oʻzlashtirish tavsiya etiladigan raqobatbardosh mahsulotlarni aniqlash;

tarmoq korxonalari tomonidan butlovchi buyumlar, xomashyo va materiallar ishlab chiqarilishini oʻzlashtirish orqali iqtisodiyot tarmoqlarining tashqi omillarga bogʻliqligini kamaytirish;

yirik korxonalarning ishlab chiqarish zanjirlariga kichik va oʻrta biznes subyektlarini keng jalb qilish;

mahalliy mahsulotlar ishlab chiqarishni kengaytirish hisobiga mahsulot tannarxini pasaytirish;

mahalliy ishlab chiqarishning global yetkazib berish zanjirlariga integratsiyalashuvini taʼminlash;

ishlab chiqarish quvvatlarini texnologik yangilash va xalqaro sifat standartlarini joriy etishga xizmat qiluvchi innovatsion yechimlarni oʻzlashtirish;

iqtisodiyot tarmoqlarida mahalliy mahsulotlar ishlab chiqarishni kengaytirish va sanoat kooperatsiyasi sohasidagi malakali kadrlarni tayyorlash, qayta tayyorlash va ularning malakasini oshirish boʻyicha tizimli ishlarni tashkil etish.