O‘zbekiston Respublikasi Millatlararo munosabatlar va xorijdagi vatandoshlar masalalari bo‘yicha qo‘mitasi

Mazkur tashabbus Prezidentimizning 2025-yil 19-martdagi PQ-115-sonli qarori — “Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasi faoliyatini samarali tashkil etish chora-tadbirlari toʻgʻrisida”gi qarori ijrosi doirasida amalga oshirildi. Tashabbusning asosiy maqsadi — mamlakatda millatlararo totuvlik, bag‘rikenglik va fuqarolik birdamligi g‘oyalarini yanada keng targ‘ib etishdir.

Qo‘mita matbuot xizmati ma’lumotiga ko‘ra, “O‘zbekiston” jurnali poyezdlarga joylashtirilishi orqali turli hududlarda yashovchi fuqarolar millatlararo do‘stlik, madaniyatlararo muloqot, vatandoshlar bilan aloqalar borasidagi dolzarb mavzulardan bevosita xabardor bo‘lish imkoniyatiga ega bo‘ladi.

“Bizning asosiy maqsadimiz – millatlararo totuvlik g‘oyasini har bir yurtdoshimiz hayotiga yanada yaqinlashtirish. Poyezdlar – turli viloyatlardagi odamlarni bog‘lovchi maydon. Shu bois “O‘zbekiston” jurnalining aynan shu muhitda joylashtirilishi ramziy ma’noga ega”, — dedi jurnal bosh muharriri E. Xo'jamurodov.

“Oʻzbekiston” jurnali ijtimoiy-siyosiy, maʼnaviy-maʼrifiy nashr boʻlib, oʻzbek, rus va ingliz tillarida chop etiladi. Unda mamlakatda olib borilayotgan millatlararo totuvlik siyosati, xorijdagi vatandoshlar bilan hamkorlik, madaniyat va taʼlim sohasidagi tashabbuslar yoritiladi.

Mazkur loyiha xalq diplomatiyasi yo‘nalishida axborot tarqatishning yangi bosqichini boshlab beradi. Qo‘mita vakillari bu kabi amaliy tashabbuslar orqali millatlararo bag‘rikenglikni keng jamoatchilikka yetkazish va davlat siyosatini xalq bilan bevosita muloqot orqali yanada yaqinlashtirishni maqsad qilgan.