O‘zbekiston Respublikasi Millatlararo munosabatlar va xorijdagi vatandoshlar masalalari bo‘yicha qo‘mitasi

Simpoziumda O‘zbekiston, Turkiya, Qozog‘iston, Ozarbayjon, Qirg‘iziston, Vengriya va boshqa mamlakatlardan taniqli olimlar, tadqiqotchilar hamda xalqaro tashkilotlar vakillari ishtirok etib, turkiy dunyo madaniy merosining zamonaviy talqini, falsafiy tafakkur taraqqiyoti va mintaqaviy hamkorlik istiqbollari haqida fikr almashdilar.

Tadbirning asosiy maqsadi — turkiy xalqlar o‘rtasidagi tarixiy, madaniy va ilmiy aloqalarni yanada mustahkamlash, falsafiy va ma’naviy merosni o‘rganish orqali bugungi davrda umumiy qadriyatlarga asoslangan hamkorlikni rivojlantirishdir.

O‘zbekiston xalqaro islomshunoslik akademiyasi rahbariyati ta’kidlaganidek, bu kabi anjumanlar turkiy xalqlar o‘rtasidagi do‘stlik, hamjihatlik va o‘zaro hurmat ruhini mustahkamlashga, shuningdek, yosh avlodda milliy g‘urur va o‘zligiga sadoqat tuyg‘ularini shakllantirishga xizmat qiladi.

S. Davlatova o‘z chiqishida O‘zbekistonning turkiy davlatlar bilan hamkorlikni chuqurlashtirish borasidagi siyosiy va madaniy tashabbuslarini tilga oldi. U, xususan, millatlararo totuvlik, diniy bag‘rikenglik va o‘zaro madaniy almashinuvni mustahkamlash bugungi globallashuv davrida o‘ta dolzarb ekanini ta’kidladi.

Tadbir yakunida ishtirokchilar turkiy tilli xalqlarning umumiy tarixiy ildizlari, falsafiy qarashlari va madaniy qadriyatlarini o‘rganishda ilmiy hamkorlikni davom ettirish bo‘yicha kelishuvga erishdilar. Simpozium doirasida kitob taqdimotlari, ilmiy to‘plamlar namoyishi va yosh tadqiqotchilar uchun mahorat darslari ham o‘tkazildi.

Ushbu xalqaro uchrashuv turkiy dunyo mamlakatlari o‘rtasida madaniy integratsiyani yanada kuchaytirish, falsafiy merosni o‘rganish va uni yosh avlod ongiga singdirishda muhim qadamlardan biri bo‘ldi.