O‘zbek tiliga davlat tili maqomi berilganining 36 yilligi munosabati bilan “Nurafshon TV”da Qo‘mita vakillari ishtirok etdi
2025-10-16 10:35:00 / Yangiliklar
21-oktabr — O‘zbek tiliga davlat tili maqomi berilganligining 36 yilligi munosabati bilan mamlakatimiz bo‘ylab keng ko‘lamli tadbirlar o‘tkazilmoqda. Shu munosabat bilan Millatlararo munosabatlar va xorijdagi vatandoshlar masalalari bo‘yicha qo‘mitasi vakillari “Nurafshon TV” telekanalining “Zavqli kun” dasturida mehmon bo‘lishdi.
Dastur davomida Qo‘mita mas’ul xodimlari tomonidan davlat tilining jamiyatdagi o‘rni, uni rivojlantirish va keng targ‘ib etish borasida amalga oshirilayotgan ishlar haqida so‘z yuritildi. Shuningdek, Milliy madaniy markazlar vakillari uchun davlat tilini bepul o‘qitish kurslari tashkil etilgani haqida ma’lumot berildi.
Mazkur tashabbus, mamlakatimizda millatlararo totuvlik va ijtimoiy faollikni mustahkamlashda davlat tilining birlashtiruvchi kuch sifatidagi ahamiyatini yanada oshirishga qaratilgan.
👉 Videomaterialni quyidagi havola orqali tomosha qilishingiz mumkin:
🔗 https://www.youtube.com/watch?v=7pHrY1vVHiE