Hodi Toqtash tavalludining 125 yilligiga bag‘ishlangan madaniy-ma'rifiy tadbir bo‘lib o‘tdi.
2026-01-26 13:50:00 / Yangiliklar
Millatlararo munosabatlar qo‘mitasi hamda Toshkent shahar Tatar jamoatchilik madaniy-ma'rifiy markazi hamkorligida tatar adabiyoti namoyandasi, tatar she’riyatining dargʻalaridan biri, shoir va dramaturg Hodi Toqtash tavalludining 125 yilligiga bag‘ishlangan madaniy-ma'rifiy tadbir bo‘lib o‘tdi.
Tadbir davomida Hodi Toqtashning hayoti va serqirra ijodi, uning tatar adabiyoti va dramaturgiyasidagi o‘rni, shuningdek, asarlarining bugungi kundagi dolzarbligi keng muhokama qilindi. Tadbir doirasida shoir hayoti va ijodiga bag‘ishlangan hujjatli film namoyish etilib, mutaxassislar tomonidan ilmiy ma’ruzalar taqdim etildi.