O‘zbekiston Respublikasi Millatlararo munosabatlar va xorijdagi vatandoshlar masalalari bo‘yicha qo‘mitasi

Mazkur loyiha doirasida turli millat vakillaridan iborat kam ta’minlangan oilalar, yolg‘iz keksalar hamda ijtimoiy himoyaga muhtoj fuqarolarga oziq-ovqat mahsulotlari va bayram sovg‘alari yetkazib berildi. Tadbir Yangi yil arafasida jamiyatda mehr-oqibat, saxovat va hamjihatlik muhitini yanada mustahkamlashga qaratilgani bilan ahamiyatlidir.

“Mehr ulashib” tashabbusi oddiy xayriya aksiyasi emas, balki davlatimizning ijtimoiy siyosatida milliy mansubligidan qat’i nazar, har bir inson e’tiborda ekanini ifodalovchi muhim amaliy qadam sifatida baholanmoqda. Loyihaning asosiy maqsadi — ijtimoiy himoyaga muhtoj qatlamlarni qo‘llab-quvvatlash, ularning bayram kayfiyatini ko‘tarish va jamiyatda o‘zaro birdamlikni mustahkamlashdan iborat.

Tadbir davomida mas’ul tashkilotlar vakillari tomonidan aholining turli qatlamlari bilan bevosita muloqot qilinib, ularning muammolari va ehtiyojlari o‘rganildi. Bu esa ijtimoiy yordamni manzilli va samarali tashkil etishga xizmat qilmoqda. Mutasaddilar bunday loyihalar kelgusida ham izchil davom ettirilishini ta’kidlashdi.

Ekspertlar fikricha, O‘zbekistonda amalga oshirilayotgan insonparvarlik tashabbuslari jamiyatda ijtimoiy barqarorlikni ta’minlash, fuqarolarning davlatga bo‘lgan ishonchini mustahkamlashda muhim rol o‘ynaydi. Ayniqsa, ko‘p millatli jamiyat sharoitida bunday loyihalar millatlararo totuvlik va bag‘rikenglikni mustahkamlovchi amaliy mexanizm sifatida ahamiyat kasb etmoqda.

Bugungi kunda mamlakatimizda ijtimoiy himoya, mehr-oqibat va saxovatga asoslangan tashabbuslar davlat siyosatining muhim yo‘nalishlaridan biri hisoblanadi. “Mehr ulashib” loyihasi ana shu ustuvor vazifalarning hayotdagi yorqin ifodasi bo‘lib, jamiyatda baraka va taraqqiyot insonparvarlik tamoyillari bilan chambarchas bog‘liq ekanini yana bir bor namoyon etdi.