O‘zbekiston Respublikasi Millatlararo munosabatlar va xorijdagi vatandoshlar masalalari bo‘yicha qo‘mitasi

Anjumanda Aytmatov ijodining o‘zbek va qirg‘iz xalqlari ma’naviy hayotidagi o‘rni, uning asarlarida aks etgan insonparvarlik, do‘stlik va vatanparvarlik g‘oyalari bosh mavzu bo‘ldi. Ma’ruzachilar adibning “Asrga tatigulik kun”, “Oq kema”, “Jamila”, “Ona Yer” kabi asarlari xalqaro adabiyot sahnasida o‘ziga xos badiiy uslub va chuqur falsafiy mazmun bilan alohida e’tirof topganini qayd etdilar.

Tafsilotlarga ko‘ra, tadbirda adabiyotshunoslar, ijodkorlar, yosh tadqiqotchilar, talaba-yoshlar ishtirok etdi. Ular Aytmatovning hayoti, ijodi, shaxsiyati va adabiyotdagi o‘rni haqida o‘z kuzatuv va mulohazalarini bildirdilar. Aytmatovning ikki qardosh xalq – o‘zbek va qirg‘iz xalqlarini yaqinlashtirgan ijodiy merosi do‘stlik va birodarlik timsoli sifatida baholandi.

Mutaxassislar fikricha, bunday tadbirlar yoshlarni ma’rifatga chorlash, ikki xalq o‘rtasidagi madaniy aloqalarni mustahkamlashda muhim ahamiyat kasb etadi. “Aytmatov ijodi – bu insoniyatning umumiy dardu quvonchlarini ifoda etuvchi badiiy ko‘prik. U bugun ham zamonaviy tafakkur va ma’naviyat uchun muhim manba bo‘lib qolmoqda”, — deya ta’kidlandi anjumanda.

Rasmiylar ushbu anjuman keyingi yillarda adabiy hamkorlik va qo‘shma loyihalarni rivojlantirishga xizmat qilishini, Aytmatov merosini chuqur o‘rganish bo‘yicha ilmiy tadqiqotlar soni ortib borayotganini qayd etdilar.