Qo‘mitada sun’iy intellektni joriy etish masalalari bo‘yicha yig‘ilish o‘tkazildi
2025-11-24 12:05:00 / Yangiliklar
Yig‘ilishda Farmonda belgilangan ustuvor yo‘nalishlar, xususan, davlat boshqaruvi jarayonlariga AI texnologiyalarini joriy etish, xizmatlar sifatini oshirish, ma’lumotlarni qayta ishlashning zamonaviy mexanizmlarini qo‘llash bo‘yicha batafsil ma’lumot berildi. Ta’kidlashicha, yangi hujjat davlat organlarida raqamli transformatsiya jarayonlarini jadallashtirish uchun muhim asos bo‘lib xizmat qiladi.
Ma’lum qilinishicha, qo‘mita faoliyatiga sun’iy intellektni tatbiq etish bir qator sohalarda samaradorlikni oshirishga xizmat qiladi. Jumladan, murojaatlarni avtomatik tahlil qilish, monitoring tizimlarini takomillashtirish, axborot oqimini tezkor boshqarish va analitik hisobotlarni generatsiya qilish bo‘yicha imkoniyatlar kengayadi.
Tadbir davomida ishtirokchilar AI bo‘yicha mavjud loyihalar, joriy etilishi rejalashtirilayotgan raqamli yechimlar va kutilayotgan natijalar yuzasidan o‘z fikr-mulohazalarini bildirdilar. Shuningdek, sun’iy intellektdan amaliy jarayonlarda foydalanish imkoniyatlarini kengaytirish yuzasidan takliflar berildi.
Yig‘ilish yakunida rahbariyat tomonidan PF-189-son Farmonida belgilangan vazifalarning o‘z vaqtida va samarali bajarilishi bo‘yicha tegishli topshiriqlar berilib, yo‘nalishlar kesimida mas’ullar belgilandi. Mazkur ishlar kelgusida qo‘mitaning raqamli boshqaruv salohiyatini kuchaytirish, xizmatlar sifatini oshirish va ichki jarayonlarni optimallashtirishga xizmat qilishi qayd etildi.