O‘zgidromet agentligida aviameteostansiyalar xodimlari attestatsiyadan o‘tkazilmoqda
2025-03-27 12:00:00 / Majlislar
2025-yil 27-28-mart kunlari hududiy gidrometeorologiya boshqarmalari tarkibidagi fuqaro aviameteostansiyalarining “Meteouskunalarga xizmat ko‘rsatish guruhi”da faoliyat olib borayotgan hamda yangi ishga qabul qilingan xodimlar belgilangan tartibda ZOOM platformasi orqali attestatsiyadan o‘tkazilmoqda.
Bu bilan, O‘zbekiston Respublikasi aeroportlari hududida aviatsiya xavfsizligini ta’minlash uchun o‘rnatilgan avtomatik aviatsiya meteorologik stansiyalarini texnik ishchi holatda saqlash, ularga texnik xizmat ko‘rsatish va O‘zgidrometda aviatsiya meteorologik ma’lumotlari uzluksizligini ta’minlash bo‘yicha malakali kadrlar tarkibini tizimli ravishda tayyorlab borish amalga oshiriladi.