O‘ZBEKISTONDA 2025-YIL YOZ FASLINING BIRINCHI OYI QANDAY BO‘LDI
2025-07-07 11:40:00 / Ob-havo ma'lumotlari
Iyun, yoz faslining birinchi oyi ham tugadi. XXI asrdagi ko‘pchilik iyun oylari singari, u ham issiq bo‘ldi. O‘rtacha oylik harorat me’yordan 1-2 darajaga, Toshkent viloyatida ba’zi joylarda 2,2-2,5 darajaga yuqori bo‘ldi.
Faqatgina respublikaning shimoli-g‘arbiy qismida o‘tgan iyun oyi harorat tartibi bo‘yicha iqlim me’yoriga yaqin bo‘ldi.
O‘zbekistonning markaziy va sharqiy hududlari bo‘yicha 2025 yil iyun oyi barcha kuzatuv yillari uchun eng issiq iyun oylari beshligiga kirdi.
Oyning katta qismida kunduzgi havo harorati 33-38 daraja atrofida bo‘ldi. Eng issiq kunlarda havo 39-41 darajagacha, janubda va cho‘l hududlarda 42-44 darajagacha isidi.
Issiq pasayishi davrida kunduzgi harorat 27-30 atrofida bo‘lishi kuzatildi va hatto eng chekka janubda ham 32-34 darajadan yuqori bo‘lmadi. Biroq, bunday qulay ob-havo sharoitlarining davomiyligi qisqa muddatli bo‘ldi.
O‘tgan iyun oyida maksimal harorat rekord qiymatlarga yetmadi. Tarixiy kuzatuv qatorlari uchun iyun oyida eng yuqori maksimal harorat 42-45 darajani, janubda va cho‘l hududlarda 46-47 darajani tashkil etadi. Mamlakat bo‘yicha eng yuqori maksimal havo harorati 1914 yilda Termiz shahrida - 49,6 daraja qayd etilgan.
|
Meteostansiya |
2025 yil iyun oyi maksimal harorati |
Barcha kuzatuv yillari uchun mutlaq maksimum |
|
Toshkent |
40,2 |
43,0 /1914 |
|
Nukus |
41,1 |
43,6 /1956 |
|
Mo‘ynoq (Orolbo‘yi) |
42,6 |
45,0 /2015 |
|
Urganch |
40,4 |
43,5 /2001 |
|
Buxoro |
42,7 |
46,2 /2005 |
|
Navoiy |
43,5 |
44,2 /2022 |
|
Buzaubay (Qizilqum cho‘li) |
43,6 |
47,4 /1990 |
|
Samarqand |
40,0 |
41,6 /2021 |
|
Jizzax |
41,1 |
45,8 /1893 |
|
Sirdaryo |
41,7 |
44,6 /1988 |
|
Qarshi |
43,1 |
45,6 /2022 |
|
Muborak (dasht hududi) |
43,3 |
47,4 /2022 |
|
Termiz |
44,1 |
49,6 /1914 |
|
Andijon |
40,0 |
42,0 /1977 |
|
Namangan |
41,0 |
42,5 /2007 |
|
Farg‘ona |
40,0 |
41,3 /2007 |
Toshkentda 1914 yilda o‘rnatilgan iyun oyining mutlaq maksimal harorati 43,0° bo‘lib qolmoqda.
O‘tgan iyun oyini ekstremal quruq oy deb tavsiflash mumkin. Yomg‘ir juda kamdan-kam hollarda yog‘di va jadalligi asosan biroz bo‘ldi.
Faqat Qoraqalpog‘iston Respublikasida (Ustyurtdan tashqari), Xorazm, Farg‘ona viloyatlarida ba’zi joylarda va ayrim tog‘li hududlarda miqdori 9 mm dan 31 mm gacha bo‘lgan mahalliy jala yomg‘irlar yog‘ishi qayd etildi.
Jala yomg‘irlar hisobiga Jizzax, Surxondaryo viloyatlari va Farg‘ona vodiysi viloyatlarining tog‘ oldi va tog‘li hududlarida sel-suv toshqin hodisalari vujudga kelishiga sabab bo‘ldi.
Oy uchun yog‘ingarchilik miqdori 0,0-5 mm ni, respublikaning ayrim hududlarida 6-8 mm ni tashkil etdi.
Respublikaning tog‘ oldi va tog‘li hududlarida tez-tez qisqa muddatli yomg‘ir yog‘ishi kuzatilib, iyun oyi uchun umumiy yog‘ingarchilik miqdori ba’zi joylarda 25-30 mm ga, Toshkent va Farg‘ona viloyatlarining ayrim tog‘li hududlarida 45-55 mm ga yetdi.
Respublika bo‘icha ba’zi joylarda shamol tezligi 15-20 m/s gacha kuchayishi kuzatildi, Ustyurtda shamolning kuchayishi 22 m/s ga yetdi. Ayrim joylarda changli bo‘ronlar, chang-to‘zonlar va changli g‘aborlar qayd etildi.
