O‘zbekiston Respublikasi Ekologiya va iqlim o‘zgarishi milliy qo‘mitasi huzuridagi Gidrometeorologiya xizmati agentligi

Bugun Germaniya Xalqaro Hamkorlik Jamiyati (GIZ) va O‘zdidromet bilan hamkorlikdagi „Markaziy Osiyodagi iqlim ta'sirini hisobga olgan holda suv resurslarini boshqarish“ loyihasi doirasida Yer usti suvlari sifatini monitoring qilish va baholash salohiyatini rivojlantirish mavzusida seminar-trening bo‘lib o‘tdi.

Seminar trening maqsadi – ishtirokchilarga yer usti suvlari sifatini samarali monitoring qilish usullari va baholash metodlarini o‘rgatish, hududiy suv resurslarini boshqarishda ilmiy va amaliy ko‘nikmalarni mustahkamlashdan iborat.

Seminar davomida qatnashchilar suv sifatini o‘lchash texnologiyalari, ma’lumotlarni yig‘ish va tahlil qilish metodlari hamda iqlim o‘zgarishining suv resurslariga ta’siri haqida bilim olishdi. Shuningdek, loyiha doirasida Markaziy Osiyo davlatlarida suv resurslarini barqaror boshqarish bo‘yicha tajriba almashish va amaliy mashg‘ulotlar tashkil etildi.