G‘uzorda “Ilk rivojlanish markazi” ish boshladi
2025-08-31 10:10:00 / Yangiliklar
O‘zbekiston Respublikasi Vazirlar Mahkamasining 2025-yil 14-iyuldagi "Ilk rivojlanish markazlari faoliyatini bosqichma-bosqich yo‘lga qo‘yish chora-tadbirlari to‘g‘risida"gi 439-son qaroriga asosan umumiy qiymati 200 mln so‘m mablag‘ evaziga G‘uzor tumanida “Ilk rivojlanish markazi” o‘z faoliyatini boshladi.
Mamlakatimiz mustaqilligining 34 yilligi munosabati bilan ishga tushirilgan mazkur markazning ochilish marosimida G‘uzor tumani hokimi Bekzod Suyunov, mahalliy deputatlar, ta’lim sohasi vakillari hamda keng jamoatchilik ishtirok etdi.
Mazkur markazda maktabgacha ta’lim bilan qamrab olinmagan bolalar uchun maktabgacha ta’lim xizmatlaridan foydalanishda teng imkoniyatlar yaratish, bolaning jamiyatga moslashishini va ta’lim olishni davom ettirishga tayyorligini ta’minlash, bolaning yoshi, o‘ziga xos imkoniyatlari, qobiliyatlari hamda ehtiyojlarini inobatga olib, har tomonlama kamol topishini ta’minlashda maxsus dasturlar asosida mashg‘ulotlar tashkil etiladi.