“Yoshlar quvonchi Guliston osmoniga ko‘tarildi”
2025-06-30 09:40:00 / Yangiliklar
“Yangi O‘zbekiston yoshlari, birlashaylik!” shiori ostida Guliston tumanida Yoshlar kuni munosabati bilan katta gala-konsert bo‘lib o‘tdi.
Tantanali tadbirni tuman hokimi Olimjon Jo‘rayev ochib berdi va barcha yoshlarga samimiy tabrik yo‘lladi. Shuningdek, mamlakatimizda yoshlar uchun yaratilayotgan imkoniyatlar, ta’lim olish, kasb-hunar egallash, tadbirkorlikni rivojlantirish bo‘yicha davlat tomonidan keng sharoitlar yaratilayotgan imkonyatlar haqida to‘xtaldi.
Tadbir davomida tumanning barcha hududlaridan kelgan, o‘zining tashabbuskorligi va mehnatsevarligi bilan tengdoshlariga o‘rnak bo‘layotgan yoshlar va tashkilot rahbarlari hamda ustozlar tuman hokimining tashakkurnoma va esdalik sovg‘alari bilan taqdirlandi.
Bayramning eng qiziqarli qismi esa estrada san’atkorlari ishtirokidagi gala-konsert bo‘ldi. O‘zbekistonning mashhur san’atkorlari va yosh ijodkorlari tomonidan kuy-qo‘shiqlar ijro etilib, yig‘ilganlarga haqiqiy bayramona kayfiyat ulashildi. San’atkorlarning jozibali chiqishlari, kuy va raqslari yoshlar uchun unutilmas taassurotlar qoldirdi.
Tadbir yakunida o‘tkazilgan mushakbozlik esa yoshlarning yuzida quvonch va kelajak sari ishonch bilan qarash hissini yanada kuchaytirdi.