Guliston tuman Xalq qabulxonasida 20 nafar fuqaroning murojaati ko‘rib chiqildi
2026-07-08 16:45:00 / Yangiliklar
Aholini qiynab kelayotgan muammolarni o‘rganish, fuqarolarning murojaatlarini bevosita tinglash hamda ularni ijobiy hal etish maqsadida O‘zbekiston Respublikasi Prezidentining Guliston tumanidagi Xalq qabulxonasida navbatdagi fuqarolar qabuli o‘tkazildi.
Qabulda Guliston tumani hokimi Olimjon Jo‘rayev ishtirok etib, fuqarolar bilan ochiq va samimiy muloqot olib bordi.
Yuzma-yuz muloqotlar davomida jami 20 nafar fuqaro o‘z murojaatlari bilan ishtirok etdi. Murojaatlarning asosiy qismini kadastr hujjatlarini rasmiylashtirish, doimiy ish bilan ta’minlash, moddiy yordam ajratish hamda ijtimoiy qo‘llab-quvvatlash bilan bog‘liq masalalar tashkil etdi.
Qabul jarayonida ayrim murojaatlar joyida ijobiy hal etilgan bo'lsa qo‘shimcha o‘rganishni talab etadigan masalalar yuzasidan mas’ul tashkilot va idoralar rahbarlariga aniq topshiriqlar berilib, ularning ijrosi belgilangan tartibda nazoratga olindi.