“Yulduz” mahallasida qurilayotgan ko‘p qavatli uy-joylar masalasi muhokama qilindi
2025-12-15 10:55:00 / Yangiliklar
Guliston tumani hokimi Olimjon Jo‘rayev tuman prokurori Dilshod Sangirov bilan birgalikda “Yulduz” mahallasida barpo etilayotgan yangi ko‘p qavatli uy-joylar quruvchilari, tijorat banklari vakillari hamda fuqarolar bilan uchrashuv o‘tkazdi.
Muloqot davomida aholining murojaatlarida ko‘tarilgan asosiy masala — qurilish jarayonining kechikayotgani alohida muhokama qilindi. Hokim va prokuror qurilish tashkilotlari rahbarlari bilan yuzma-yuz suhbatlashib, yangi binolarning belgilangan muddatlarda foydalanishga topshirilishi, moliyalashtirish jarayonlari va shartnomaviy majburiyatlar yuzasidan atroflicha fikr almashdilar.
Shu bilan birga, uy-joylarni sifatli va belgilangan standartlarga muvofiq qurish, fuqarolarga o‘z vaqtida topshirish bo‘yicha aniq topshiriqlar berildi va fuqarolar fikrlari tinglanib, ularning taklif va e’tirozlari asosida muammolarni hal qilishga doir choralar belgilab olindi.