Guliston shahrida «Yashil makon» umummilliy loyihasi doirasida daraxt ko'chatlari ekildi
2026-11-18 13:35:00 / Yangiliklar

Bugun, 18-noyabr kuni Sirdaryo viloyati prokuraturasi va Guliston shahar hokimligi tomonidan Guliston shahrida «Yashil makon» umummilliy loyihasi doirasida daraxt ko'chatlari ekildi. Unda viloyat hamda shahar tashkilot va muassasalar rahbar va xodimlari, nuroniylar, mahalla yettiligi vakillari ishtirok etdi.
Tadbirda viloyat prokurori S.Imatov so'zga chiqib, «Yashil makon» loyihasining ahamiyati haqida alohida toʻxtalib o’tdi. Ushbu xayrli ishlardan chetda qolmaslik, mevali va manzarali daraxtlarni koʻpaytirish, bogʻ-rogʻlar yaratish oldimizda turgan zarur ishlardan biri ekanligi qayd etildi. Shundan so’ng, katalpa, tut, tuya archa va pissardi kabi 3000 ming tupdan ortiq daraxt ko'chatlari ekildi.
Sirdaryo viloyatida «Yashil makon» umummilliy loyihasining kuz mavsumida 9 million 586 ming 400 tup, Guliston shahrida esa 70 ming 800 tup daraxt va buta koʻchatlarini ekish belgilangan.









