Sirdaryo viloyati Guliston shahri hokimligi

Guliston shahri hokimligida «Soha faoliyatida amalga oshirilayotgan ishlar va aholiga yaratilayotgan qulayliklar» mavzusida matbuot anjumani tashkil etildi. Unda shahar hokimligi bosh yuriskonsulti Nodir Musurmonqulov tomonidan amalga oshirilayotgan ishlar to'g'risida maʼlumot berildi.

Jumladan, 2026-yilning o'tgan davrida jami 602 ta topshiriq xatlari va murojaatlar kelib tushgan bо‘lib, shundan 588 ta topshiriq xatlari va murojaatlarning ijrosi о‘z vaqtida ta’minlangan. Qolgan 14 ta topshiriqlarning ijro muddatlari borligiligi sababli bajarish jarayonida turibdi.

Bundan tashqari, joriy yilda shu kunga qadar 425 ta qaror bo‘yicha ekspertiza xulosalari berilgan bo‘lib, shundan 241 tasi normativ-huquqiy hujjatlar bo‘yicha berilgan. Tomonlar o‘rtasida jami 125 ta shartnomalar tuzilgan bo‘lib, “e-xarid” elektron tizimi orqali rasmiylashtirilgan.

Guliston shahar hokimligi bosh yuriskonsulti tomonidan jami 104 ta sud ishlarda, ya’ni fuqarolik, iqtisodiy, ma’muriy va jinoiy ishlarda sudlarda Guliston shahar hokimligi manfaatida qatnashilgan.
Jumladan, joriy yilda da’vogar sifatida 36 ta holatda, javobgar sifatida 43 ta holatda, uchinchi shaxs sifatida 25 holatda sudlarda qatnashilgan.

Ya’ni, sudda qatnashilgan ishlar bo‘yicha yer uchastkasidan maqsadsiz va samarasiz foydalanganligi uchun yer uchastkasiga bo‘lgan huquqni bekor qilish 13 ta holatda, tuzilgan pudrat shartnomasi talablarini bajarmaganligi 6 ta holatda, davlat va jamoat ehtiyoji uchun olingan yer uchastkalari 31 ta holatda, shahar hokimligi va boshqa tashkilotlarning chiqarilgan qarorlari haqiqiy emasligi to‘g‘risida 9 ta holatda, egalik huquqini berish 15 ta holatda, kommunal to‘lovlarni undirish 2 ta holatda, jinoyat ishi bo‘yicha 4 ta holatda sudlar tomonidan ko‘rib chiqilib, qarorlar qabul qilingan.

Bundan tashqari, joriy yilning aprel oyida jami 10 ta, shundan yer uchastkasidan maqsadsiz va samarasiz foydalanganligi uchun yer uchastkasiga bo‘lgan huquqni bekor qilish 9 ta holatda va majburiy uydan ko‘chirish 5 ta holatda yangi da’vo arizalari kiritilgan, hozirda ushbu da’vo arizalari bo‘yicha sud jarayonlari o‘tkazilmoqda.