Favqulodda vaziyatlar vaziri birinchi o‘rinbosari-Shtab boshlig‘i polkovnik S.T. Zuparov ishtirokida "Rahbar va yoshlar" uchrashuvi bo‘lib o‘tdi
2024-09-19 18:30:00 / Yangiliklar
Bugun, 19-Sentabr kuni Samarqand shahrida joylashgan FVV Boshlang‘ich tayyorgarlik va malaka oshirish markazida tashkil etilgan tadbirda Samarqand viloyati FVB hamda Markaz boshliqlari, FVV Akademiyasi vakillari, faxriylar, Yoshlar ishlari agentligi hududiy boshqarmasi vakillari, tizimda xizmat olib borayotgan yosh harbiy xizmatchilar va xizmatchilar hamda otaliqqa olingan yoshlar, jamiyatda yuqori natijalarga erishgan bir guruh yoshlar, xususan, sportchilar ishtirok etdi.
Uchrashuv davomida rahbarlar bugungi kunda yoshlarga yaratilayotgan imkoniyatlar, shart-sharoitlar va ushbu imkoniyatlardan unumli foydalanish, o‘zining uzoq hayot yo‘li to‘g‘risida so‘z yuritib, kasbiy bilim va tajribalari bilan oʻrtoqlashib, yoshlarning sohaga oid qiziqtirgan savollari yuzasidan atroflicha ma’lumotlar berdilar.
Tadbir yakunida, ishtirokchi faol yoshlarga "Tashkkurnoma" va esdalik sovgʻalari tantanali topshirildi.
Shuningdek, yoshlarga qutqaruvchilarning ko‘rgazmali chiqishlari, favqulodda vaziyatlarni bartaraf etishda foydalaniladigan zamonaviy texnika va asbob-anjomlar namoyish etildi.