"Ma'naviyat qalqoni" Respublika kitobxonlik tanlovining Toshkent viloyati bosqichi bo'lib o'tdi
2026-07-29 15:30:00 / Yangiliklar
Toshkent viloyati FVBB tizimida xizmat olib borayotgan harbiy xizmatchilar o'rtasida "Ma'naviyat qalqoni" Respublika kitobxonlik tanlovining viloyat bosqichi O'zbekiston yoshlar ittifoqi Toshkent viloyati Kengashi va Respublika Ma'naviyat va ma'rifat markazi Toshkent viloyati bo'limi hamkorligida yuqori saviyada tashkil etildi.
Tanlovdan ko'zlangan asosiy maqsad harbiy xizmatchilar o'rtasida kitobxonlik madaniyatini keng targ'ib etish orqali ularning ma'naviy-ma'rifiy salohiyatini yuksaltirish, intellektual salohiyatini rivojlantirish hamda kitobga bo'lgan qiziqishni yanada oshirishdan iborat bo'ldi.
Tanlov davomida ishtirokchilar belgilangan shartlar asosida o'z bilim va salohiyatlarini namoyon etib, mutolaa madaniyati borasidagi tayyorgarliklarini sinovdan o'tkazdilar. Yakunda eng faol va bilimdon ishtirokchilar aniqlanib, g'olib hamda sovrindorlar munosib taqdirlandi.