Payshanba – yoshlar bilan ishlash kuni doirasida Toshkent viloyati FVBBning barcha shahar va tuman FVB boshliqlari tomonidan "Rahbar va yoshlar" uchrashuvlari tashkil etildi.
2026-07-16 15:10:00 / Yangiliklar
Ochiq muloqot tarzida o'tgan uchrashuvlarda yoshlarning taklif va tashabbuslari tinglanib, ularni qiziqtirgan masalalar yuzasidan atroflicha fikr almashildi. Shuningdek, favqulodda vaziyatlarning oldini olish, yong'in xavfsizligi, fuqarolar muhofazasi, hayot faoliyati xavfsizligi madaniyatini yuksaltirish masalalariga alohida e'tibor qaratildi.
Uchrashuvlar davomida yoshlar tomonidan bildirilgan murojaat va takliflar yuzasidan tegishli mas'ullarga vazifalar belgilab berildi hamda ularning ijrosi nazoratga olindi.
Mazkur uchrashuvlar yoshlar bilan ochiq va samimiy muloqotni yo'lga qo'yish, ularning tashabbuslarini qo'llab-quvvatlash hamda favqulodda vaziyatlarning oldini olish borasida yoshlarning bilim va mas'uliyatini oshirishga xizmat qilmoqda.