Zangiota tumanida yozgi sog‘lomlashtirish oromgohlarida profilaktik tadbirlar o‘tkazilmoqda
2026-06-05 17:05:00 / Yangiliklar
Zangiota tumani Favqulodda vaziyatlar bo‘limi xodimlari tomonidan tuman hududidagi maktablarda tashkil etilgan yozgi sog‘lomlashtirish oromgohlarida dam olayotgan o‘quvchi-yoshlar, o‘qituvchi va murabbiylar ishtirokida profilaktik tushuntirish ishlari olib borilmoqda.
Tadbirlar davomida ishtirokchilarga yozgi ta’til davrida cho‘milish taqiqlangan hududlarda suvga tushmaslik, suv havzalarida xavfsizlik qoidalariga qat’iy rioya qilish hamda ehtiyotsizlik oqibatida yuzaga kelishi mumkin bo‘lgan noxush holatlarning oldini olish bo‘yicha tavsiyalar berildi.
Shuningdek, fuqaro muhofazasi, favqulodda vaziyatlar va yong‘in xavfsizligi qoidalariga rioya etish, favqulodda holatlarda to‘g‘ri harakat qilish tartibi yuzasidan profilaktik yo‘riqnomalar o‘tkazildi.
Mazkur tadbirlarning asosiy maqsadi bolalar va yoshlar o‘rtasida xavfsizlik madaniyatini oshirish hamda favqulodda vaziyatlarning oldini olishdan iborat.