Toshkent viloyati Favqulodda vaziyatlar bosh boshqarmasi hamda qator hamkor tashkilotlar — Davlat xavfsizlik xizmati, Mudofaa ishlari boshqarmasi, Chirchiq harbiy prokuraturasi hamda Yoshlar ishlari agentligi viloyat boshqarmasi bilan hamkorlikda “Payshanba — yoshlar bilan ishlash kuni” doirasida “Rahbar va yoshlar uchrashuvi” tashkil etildi.
Mazkur tadbir davomida yoshlar bilan ochiq muloqot o‘tkazilib, ularning murojaatlari, muammo va takliflari tinglandi. Shuningdek, yoshlar o‘rtasida vatanparvarlik tuyg‘ularini mustahkamlash, harbiy xizmatning ahamiyatini keng targ‘ib etish hamda yoshlarni har tomonlama qo‘llab-quvvatlash masalalari yuzasidan fikr almashildi.
Tadbir yakunida yoshlar bandligini ta’minlash maqsadida mehnat yarmarkalari tashkil etildi. Unda, asosan, muddatli harbiy xizmatni o‘tab qaytgan yoshlar hamda ishsiz va uyushmagan yoshlar faol ishtirok etdi.
Bunday uchrashuv va muloqotlar yoshlarni ijtimoiy qo‘llab-quvvatlash, ularning bandligini ta’minlash, jamiyatdagi faolligini oshirish hamda kelajakka bo‘lgan ishonchini mustahkamlashga xizmat qilmoqda.
