Yangiyo‘l tumanida “Dolzarb 30 kun” oyligi doirasida profilaktik tadbirlar olib borilmoqda
2026-05-12 15:15:00 / Yangiliklar
Yangiyo‘l tumani FVB xodimlari tomonidan “Dolzarb 30 kun” oyligi doirasida maktab ta’lim tashkilotlari hamda ishlab chiqarish obyektlarida keng ko‘lamli profilaktik tadbirlar amalga oshirilmoqda.
Tadbirlar davomida yong‘inlarning oldini olish, yoz mavsumida suv havzalarida cho‘kish holatlarining oldini olish maqsadida tuman hududidagi mahallalarda istiqomat qiluvchi fuqarolar hamda ta’lim muassasalarida targ‘ibot-tashviqot va profilaktik tushuntirish ishlari olib borilmoqda.
O‘rganishlar jarayonida aniqlangan kamchiliklar yuzasidan mas’ullarga tegishli tavsiyalar berilib, ularni bartaraf etish choralari ko‘rilmoqda.
Shuningdek, fuqarolarga birlamchi yong‘in o‘chirish vositalaridan foydalanish hamda favqulodda vaziyat sodir bo‘lgan taqdirda to‘g‘ri harakatlanish tartibi bo‘yicha amaliy tushuntirishlar berilmoqda.