FVV qutqaruvchilari tomonidan “Qamchiq” dovonida fuqarolarga amaliy yordam ko‘rsatildi
2026-08-19 10:40:00 / Yangiliklar
Bugun, 18-avgust kuni soat 09:44 da A-373 avtomobil yo‘lining “Qamchiq” dovonidan o‘tgan qismida “Vodiy–Toshkent” yo‘nalishida harakatlanayotgan yuk avtomobilining tormoz tizimida nosozlik yuzaga kelishi oqibatida boshqa bir yuk avtomobiliga urilib, uni yo‘l chetidagi handoqqa tushirib yuborgani hamda o‘zi yo‘lning qatnov qismiga ag‘darilgani haqida “Qamchiq” maxsus qutqaruv boshqarmasiga xabar kelib tushgan.
Voqea joyiga yetib borgan FVV qutqaruvchilari maxsus texnikalar yordamida avtomobillarni xavfsiz hududga olib chiqishdi.
Hodisa oqibatida tan jarohati olganlar yo‘q.