“21-oktabr — o‘zbek tiliga davlat tili maqomi berilgan kun” munosabati bilan ma’naviy-ma’rifiy tadbir tashkil etildi.
2026-10-16 12:10:00 / Yangiliklar
Tadbirda Farg‘ona davlat universiteti Tilshunoslik kafedrasi professori, filologiya fanlari nomzodi Xo‘jaliyev Ismoiljon Tajibayevich ishtirok etib, o‘zbek tilining milliy o‘zlikni anglash, ma’naviy qadriyatlarni asrab-avaylash va kelajak avlodga yetkazishdagi o‘rni haqida so‘z yuritdi. Farg‘ona innovatsion markazining “Dilshod” cholg‘u ansambli jamoasi tomonidan ijro etilgan kuy-qo‘shiqlar tadbirga o‘zgacha ruh bag‘ishladi.
Tadbirda ona tilimizning jamiyat hayotidagi beqiyos ahamiyati, davlat tilining nufuzini oshirish, uning sofligini saqlash, adabiy til me’yorlariga rioya etish hamda kundalik faoliyatda davlat tilidan to‘g‘ri foydalanish to'g'risida fikr yuritildi.
Zero, til — millatning ruhi, tarixiy xotirasi va ma’naviy boyligidir. Ona tilimizga hurmat va ehtirom ko‘rsatish, uning ravnaqi yo‘lida mas’uliyat bilan yondashish har birimizning burchimizdir.