Fаrg’оnа vilоyati Favqulodda vaziyatlar boshqarmasi

Farg‘ona viloyati Favqulodda vaziyatlar boshqarmasida “Huquqbuzarliklar profilaktikasi kuni” doirasida targ‘ibot tadbiri o‘tkazildi

Tadbirda adliya podpolkovnigi Sh.Toshmatov so‘zga chiqib, shaxsiy tarkibga korrupsiyaning jamiyat va davlat taraqqiyotiga salbiy ta’siri, xizmat faoliyatida halollik, shaffoflik va qonuniylik tamoyillariga qat’iy rioya etish zarurligi yuzasidan batafsil ma’lumot berdi.

Shuningdek, bugungi kunda keng tarqalayotgan noqonuniy onlayn qimor va tavakkalchilikka asoslangan o‘yinlarning salbiy oqibatlari, ularning moddiy va ma’naviy zarar keltirishi, shuningdek, amaldagi qonunchilikda belgilangan javobgarlik choralari haqida tushuntirishlar berildi. Xodimlarga bunday noqonuniy faoliyatlarga aralashmaslik, xizmat sha’ni va obro‘siga putur yetkazuvchi har qanday xatti-harakatlardan tiyilish hamda xizmat burchini vijdonan ado etish lozimligi alohida ta’kidlandi.

Uchrashuv yakunida shaxsiy tarkibga qonunchilik talablariga so‘zsiz amal qilish, korrupsiyaning har qanday ko‘rinishiga nisbatan murosasiz bo‘lish hamda xizmat intizomini mustahkamlash bo‘yicha zarur tavsiya va ko‘rsatmalar berildi.