Iqtisodiyot obyektlarining kuz-qish mavsumiga tayyorgarlik va elektr xavfsizligi holati o‘rganildi
2026-11-11 11:10:00 / Yangiliklar
Buxoro viloyati Favqulodda vaziyatlar boshqarmasi OʻMvaTOFV boʻlimi xodimlari tomonidan "Amu-Buxoro-1", "Amu-Buxoro-2" nasos stansiyalari hamda "Buxoro" xalqaro aeroportida kuz-qish mavsumiga tayyorgarlik holati hamda «Elektr xavfsizligi oyligi» doirasida amalga oshirilayotgan ishlar yuzasidan tekshiruv va profilaktik o‘rganish ishlari olib borildi.

O‘rganish davomida obyektlarning yong‘in va elektr xavfsizligi holati, mavjud yong‘in o‘chirish vositalarining sozligi, shaxsiy tarkibining jangovar shayligi va favqulodda vaziyatlarga tezkor javob berish qobiliyati tekshirildi.
Shuningdek, obyektning ishchi-xodimlari bilan yong‘in xavfsizligi qoidalari, elektr jihozlaridan xavfsiz foydalanish hamda yong‘in yoki boshqa favqulodda vaziyatlar sodir bo‘lganda to‘g‘ri harakatlanish tartibi yuzasidan yo‘riqnoma o‘tkazilib, amaliy tushuntirishlar berildi.






