Buxoro shahridagi “Yoshlik” mahalla fuqarolar yig‘ini aholisi uchun zilzila sodir bo‘lishi bilan bog‘liq shartli vaziyat yuzasidan evakuatsiya tadbiri tashkil etildi.
2026-10-30 10:10:00 / Yangiliklar

Belgilangan tartibda aholi xavfli hududdan xavfsiz joyga — 19-sonli umumta’lim maktabi negizida tashkil etilgan ko‘chirilganlarni qabul qilish maskaniga olib chiqildi. Bu yerda evakuatsiya qilingan fuqarolarni vaqtincha joylashtirish, ularning kundalik ehtiyojlarini ta’minlash hamda zarur xizmatlarni ko‘rsatish uchun barcha sharoitlar hozirlandi.
Xususan, maskanda yotoqxona, ovqatlanish, ona va bola, tibbiyot hamda psixolog xonalari tashkil etildi. Fuqarolarga tibbiy va psixologik yordam ko‘rsatish, oziq-ovqat bilan ta’minlash hamda vaqtincha yashashlari uchun zarur sharoitlarni yaratish ishlari yo‘lga qo‘yildi. Amaliy mashg‘ulot davomida mas’ul xizmatlarning aholini xavfsiz hududga ko‘chirish, qabul qilish, ro‘yxatga olish va joylashtirish, shuningdek, aholining ijtimoiy va maishiy ehtiyojlarini ta’minlash borasidagi hamkorlikdagi harakatlari sinovdan o‘tkazildi.









