Buxoro viloyati Favqulodda vaziyatlar boshqarmasi

Tadbirda boshqarma shaxsiy tarkibi bevosita ishtirok etdi. Shuningdek, Zoom platformasi orqali shahar va tuman Favqulodda vaziyatlar bo‘limlari boshliqlari hamda shaxsiy tarkibi ham yig‘ilishga onlayn tarzda ulandi.

Yig‘ilish davomida korrupsiyaga qarshi kurashish, xizmat faoliyatida ochiqlik va shaffoflikni ta’minlash, xizmat intizomiga qat’iy rioya etish, sodir etilishi mumkin bo‘lgan huquqbuzarlik va jinoyatlarning barvaqt oldini olish masalalari muhokama qilindi.

Shuningdek, mas’ul rahbarlar tomonidan shaxsiy tarkibga amaldagi qonunchilik talablariga so‘zsiz rioya etish, xizmat vazifalarini vijdonan bajarish hamda korrupsiyaning har qanday ko‘rinishiga nisbatan murosasiz munosabatda bo‘lish yuzasidan tegishli ko‘rsatma va tavsiyalar berildi.