Buxoro viloyati favqulodda vaziyatlar boshqarmasi hamda Buxoro xalqaro aeroporti hamkorligida havo kemalarida sodir bo‘lgan favqulodda avariya holatlarini bartaraf etish va fuqarolarga yordam ko‘rsatish maqsadida o‘quv mashqlari o‘tkazildi.
2026-04-28 14:00:00 / Yangiliklar
O‘quv mashqlarida havo kemasida texnik nosozlik yoki boshqa favqulodda holat yuzaga kelganda aeroport rahbariyati, FM tuzilmalari hamda favqulodda vaziyatlar boshqarmasining hamkorlikdagi harakatlari sinovdan o‘tkazildi. O‘quv mashqi g‘oyasiga ko‘ra parvoz vaqtida yuzaga kelgan muammo natijasida ekipaj tomonidan zudlik bilan qaror qabul qilinib, yo‘lovchi samolyoti cho‘l hududida joylashgan zahira qo‘nish maydoniga favqulodda qo‘ndirildi. Qo‘nish jarayoni ekipajning yuqori malakasi va aniq harakatlari tufayli nazorat ostida amalga oshirildi. Qo‘nish amalga oshirilgan zahotiyoq, hududga tezkor ravishda favqulodda vaziyatlar boshqarmasi kuch va vositalari, aeroport qutqaruv xizmati, tibbiy brigadalar hamda boshqa hamkorlikdagi xizmatlar yetib keldi. Qutqaruvchilar birinchi navbatda havo kemasida yong‘in xavfi yoki portlash ehtimolini bartaraf etish, hududni xavfsizlashtirish va yo‘lovchilarni xavfsiz evakuatsiya qilindi. FVDT xizmatlari harakatlari avvaldan ishlab chiqilgan rejalar asosida o‘zaro muvofiqlashgan holda tashkil etildi.