Jizzax viloyati Forish tumani hokimligi

BIRIKTIRILGAN YOSHLAR BILAN MULOQOT

Forish tuman hokimining o‘rinbosari, tashqi savdo va investitsiya bo‘limi boshlig`i Temur Sa’dullaev tumanning "Xonbandi" hamda “Qizilqum” mahallalarida o‘ziga biriktirilgan yoshlar bilan xonadonma - xonadon yurish orqali, ular bilan muloqot qildi.

Muloqot davomida yoshlarni tadbirkorlikka yo‘naltirish, bandligini ta’minlash, iste’dodini  ro‘yobga chiqarish, borasida amalga oshirilayotgan ishlar, yaratilgan shart - sharoit va imkoniyatlar haqida batafsil ma’lumotlar berildi.

Shuningdek, uchrashuv davomida, yoshlarning qiziqish va intilishlari o‘rganildi. Ular bandligini ta’minlash yuzasidan tegishli chora - tadbirlar belgilandi.

Yoshlar manfaati yo‘lida qilinayotgan bu sa’y - harakatlar negizida ertangi yorug‘ kelajak uchun qilinayotgan ezgu  niyatlarning amalga oshishi bugundan boshlanadi.

Forish tuman hokimligi axborot xizmati.