Jizzax viloyati Forish tumani hokimligi

FORISH TUMANIDA FUTBOL VA MINI-FUTBOL BO‘YICHA DXX KUBOGI MUSOBAQALARINING OCHILISH VA QURA TASHLASH MAROSIMI O‘TKAZILDI

Forish tumanida futbol va mini-futbol bo‘yicha o‘tkazilayotgan "Davlat xavfsizlik xizmati kubogi" musobaqalarining ochilish marosimi va qura tashlash tadbiri katta tantana bilan o‘tkazildi. Ushbu musobaqalar, Davlat xavfsizlik xizmati tomonidan sog‘lom turmush tarzini targ‘ib qilish, yoshlar o‘rtasida futbolni ommalashtirish va iqtidorli sportchilarni aniqlash maqsadida tashkil etilgan.

Tadbirda tuman rahbarlari, sport sohasidagi mutaxassislar, yoshlar va sportchilar ishtirok etdi. Ochilish marosimida tuman hokimi Ikrom Matiyev hamda tashkilotchilar nutq so‘zlab, musobaqaning ahamiyati, sportning yoshlar hayotidagi o‘rni va sog‘lom turmush tarzini targ‘ib qilishdagi ro‘li haqida fikr bildirishdi.

Musobaqa doirasida futbol va mini-futbol bo‘yicha o‘tkaziladigan o‘yinlar sportchilarga nafaqat o‘z mahoratini sinab ko‘rish imkonini yaratadi, balki ular orasidan eng iqtidorlilarni aniqlash va ularni qo‘llab-quvvatlash maqsadida tashkil etilmoqda. Ushbu musobaqalar, yoshlarni jismoniy tarbiya va sportga jalb qilish, ularning salomatligini mustahkamlash, shuningdek, jamiyatda sportni rivojlantirishda muhim o‘rin tutadi.

Marosimda qatnashgan sportchilar va tomoshabinlar katta bir ishtiyoq bilan musobaqaga tayyorligini va o‘z kuchini sinab ko‘rishga tayyor ekanliklarini bildirdilar. Qura tashlash marosimida, musobaqalarning guruhlari aniqlanib, har bir jamoa uchun raqiblar belgilandi.

Musobaqalar bir necha kun davomida o‘tkazilib, yoshlar o‘rtasida futboldan yuqori natijalar ko‘rsatgan sportchilarni aniqlashga xizmat qiladi. Bu kabi tadbirlar, nafaqat sportning rivojiga hissa qo‘shish, balki yoshlarni salomatligini saqlash, ularga yaxshi mehnat va o‘yin madaniyatini o‘rgatishda ham katta ahamiyat kasb etadi.

Forish tuman hokimligi axborot xizmati.